मुंबई, १९ ऑक्टोंबर २०२३ : भारतात कोरोना विषाणूचे ४८ नवीन रुग्ण आढळले आहेत. त्यानंतर देशात कोविड -१९ वर उपचार घेत असलेल्या रुग्णांची संख्या ३०७ वर पोहोचली आहे. केंद्रीय आरोग्य मंत्रालयाने गुरुवारी जारी केलेल्या आकडेवारीवरून ही माहिती मिळाली.
देशात कोविड-१९ मुळे प्राण गमावलेल्या लोकांची संख्या ५,३२,०३७ आहे. आकडेवारीनुसार, आतापर्यंत देशात कोविडचे ४,४९,९९,७२८ रुग्ण आढळले आहेत. मंत्रालयाच्या वेबसाइटनुसार, देशात संसर्गातून बरे झालेल्या रुग्णांची संख्या ४,४४,६७,३८४ झाली.
राष्ट्रीय स्तरावर संसर्गातून बरे होण्याचे प्रमाण ९८.८१ टक्के असून देशात कोरोना विषाणूच्या संसर्गामुळे मृत्यूचे प्रमाण १.१८ टक्के आहे. माहितीनुसार, कोविड-१९ पासून संरक्षण करण्यासाठी देशात आतापर्यंत लसीचे २२०.६७ कोटी डोस देण्यात आले आहेत.
न्यूज अनकट प्रतिनिधी : सूरज गायकवाड
