काश्मीर: सोपोरमधील नाक्यावर दहशतवादी हल्ला, २ पोलिस शहीद, ३ नागरिक ठार

काश्मीर, १३ जून २०२१: जम्मू-काश्मीरच्या सोपोर येथे झालेल्या दहशतवादी हल्ल्यात दोन पोलिस शहीद झाले आहेत, तर तीन नागरिकांचा मृत्यू झाला आहे. सोपोरमधील अरमापोरा येथील नाकेजवळ दहशतवाद्यांनी पोलिस आणि सीआरपीएफच्या संयुक्त पथकावर हल्ला केला, ज्यामध्ये आतापर्यंत ५ जणांचा मृत्यू झाला आहे.

शनिवारी, दहशतवाद्यांनी उत्तर काश्मीरच्या सोपोरमधील आरमोपोरा जवळ सुरक्षा दलाच्या संयुक्त सैन्यावर हल्ला केला, ज्यामध्ये ५ जण ठार झाल्याची माहिती आहे. यामध्ये तीन नागरिकांचा देखील समावेश आहे. तर २ पोलिस शहीद झाले आहेत. सुरुवातीला ४ लोक ठार झाल्याची बातमी होती पण आता ५ लोक ठार झाले आहेत ज्यात ३ नागरिकांचा समावेश आहे.

यापूर्वी डीजीपी दिलबागसिंग यांनी सोपोर हल्ल्याबद्दल सांगितले होते की या हल्ल्यात ४ जण ठार झाले आहेत. ठार झालेल्यांमध्ये २ पोलिस शहीद झाले आणि मृत्यू झालेल्या २ इतर नागरिकांमध्ये भाजी विक्रेतेही होते. या हल्ल्यात ३ पोलिसही जखमी झाले आहेत. नंतर दुसर्‍या नागरिकाचा मृत्यू झाला.

दिलबागसिंग यांनी या हल्ल्यामागे लष्करचा हात असल्याचे सांगितले. आयजी कश्मीर यांनी घटनास्थळाची पाहणी केली. या दहशतवादी हल्ल्यात ३ पोलिसांव्यतिरिक्त एक नागरिकही जखमी झाला आहे. अशा प्रकारे या हल्ल्यात ५ जण ठार झाले तर ३ लोक जखमी झाले.

अधिकृत सूत्रांनी सांगितले की, दहशतवाद्यांनी सुरक्षा दलाच्या संयुक्त पथकावर अचानक गोळीबार सुरू केला. दहशतवाद्यांच्या हल्ल्यानंतर संपूर्ण परिसर घेरला गेला असून दहशतवाद्यांचा शोध घेण्यासाठी शोध मोहीम सुरू आहे.

न्यूज अनकट प्रतिनिधी: ईश्वर वाघमारे