जालना, ३० ऑक्टोंबर २०२३ : मराठा समाजाला आरक्षण मिळावे या मागणीसाठी महाराष्ट्रातील जालना जिल्ह्यात बेमुदत उपोषणावर असलेले सामाजिक कार्यकर्ते मनोज जरांगे पाटील यांनी आरोग्य तपासणी करण्यास नकार दिला आहे. जालन्याचे कार्यवाहक सिव्हिल सर्जन डॉ. प्रताप घोडके यांनी सांगितले की, जास्त वेळ न खाल्ल्याने त्यांच्या महत्त्वाच्या अवयवांवर आणि आरोग्यावर परिणाम होऊ शकतो.
आंदोलनाच्या दुसऱ्या टप्प्याचा एक भाग म्हणून जालन्यातील अंतरवली सराटी गावात २५ ऑक्टोबरपासून सामाजिक कार्यकर्ते जरांगे यांनी बेमुदत उपोषणाला बसल्याने या आंदोलनाला आणखी वेग आला. त्यांच्या आवाहनावरून अनेक गावकऱ्यांनी राजकीय पक्षाच्या नेत्यांना गावात येण्यास बंदी घातली आहे.
जिल्हादंडाधिकारी आणि डॉक्टर दर दोन- तीन तासांनी जरंगे यांच्याशी संपर्क साधत आहेत. मात्र, प्रत्येक वेळी त्यांनी आरोग्य तपासणी आणि उपचारांना नकार दिला. याचा परिणाम त्यांच्या किडनी आणि मेंदूसारख्या महत्त्वाच्या अवयवांवर होऊ शकतो, असे डॉ. घोडके म्हणाले.
न्यूज अनकट प्रतिनिधी : सूरज गायकवाड
