🚩 माणदेशाचा इतिहास 🚩

🚩सातारा जिल्ह्यातील पुर्वेकडील भाग आताचा माण (दहिवडी) तालुका, खटावचा थोडा भाग फलटणचा थोडा भाग,

🚩सांगली जिल्ह्यातील आटपाडी तालुका खानापूर विटा काही भाग व क.महांकाळचा काही भाग

🚩 सोलापूर जिल्ह्यातील माळशिरसचा भाग,सांगोला,मंगळवेढा माण गंगेचा किणारी काही भाग असा मिळून हा माणदेश.

🚩सध्या माणदेशाचे मुख्य स्थान दहिवडी शहर आहे तसेच सध्या माण तालुक्याचे प्रशासकिय ठिकाण दहिवडी शहर येथे आहे.माण हे कोठेही गाव अस्तित्वात नाही.

🚩 इतिहास 🚩

माणदेशाची जीवन वाहिनी माई माणगंगा –
जमिनीतील ‘वैशिष्ट्यपूर्ण थराला माण’ नाव मिळाले. ज्या भागात ‘माण’ जमिनीत सापडते तो माणदेश व माणदेशातून वाहणारी नदी ती
माण नदी. माण नावाचे गाव माणदेशात कधीही नव्हते व नाही. पश्चिम-उत्तर दिशांनी सर्व बाजूंनी शंभू महादेवाचे उंचच उंच डोंगर, उत्तर दिशाकडे उंच
डोंगररांगेत शिखर शिंगणापूरचे प्रसिद्ध प्राचीन मंदिर, त्या पलीकडे निरा नदी चे
खोरे, सुमारे चार हजार फुट खोल दर्या लगत पन्नास ते साठ मैल लांब प्रदेश उघड्या डोळ्यांनी बघीतल्यासारखा दिसतो. पुढे त्याच डोंगररांगेतून पूर्वेस जस जसे जावे तसे भिमा नदीचे खोरे दिसते. आता पश्चिम दक्षिण दिशांकडे देखील उंचच उंच डोंगर असून त्या पलीकडे येरळा नदीचे खोरे दिसते. दक्षिण बाजूस भिवघाट व तसेच पूर्वेस डोंगरराजीतून खाली उतरले असता जत तालुक्याच्या सीमा,
पलीकडे दोड्डा नाला खोरे दिसते. आता पश्चिम ते पूर्व भूभाग माण नदी ज्या कुळकजाई ता.माण सिताबाई डोंगरातून उगम पावून पूर्वेस मंगळवेढा जवळ सरकोलीजवळ भीमा नदीस मिळते. हा प्रवास 180 कि.मी. व दक्षिणोत्तर भूभाग 91.2 कि.मी. असून हा संपूर्ण माणदेश आहे. माणदेशात यावयाचे तर खिंडीशिवाय रस्ता नाही.

🚩रामायणातील एक शेवटचा भाग याच भागात झाला अशी आख्यायिका आहे, रामाला संशय आल्यावर सितामाईला दंडकारण्यात सोडले गेले तोच भाग म्हणजे सिताबाईचा डोंगर मु.पो. कुळकजाई ता.माण, याठिकाणी लक्ष्मणाने सितेला शेवटचे सोडले , सितामाईनी विश्रांती घेतली लक्ष्मणाने पाण्याची दोन पात्रे सितामाईच्या पायाजवळ व एक हाताजवळ ठेवले व लक्ष्मण अयोध्यास निघून गेले, सितामाई झोपेतून उठल्या आळस देताना दोनी पात्र सांडले पायाजवळचे ती आजची माणगंगा नदी जी दहिवडीजवळून पुर्वेस वाहते. व हाताजवळचे पात्र ते आजची बाणगंगा नदी जी फलटणहून वाहते मात्र बाणगंगा नदी जवळ जवळ लोपच पावत चालली आहे.

🚩राष्ट्रकुट राजघराण्यातील प्राचीन राजा ‘ मानाड्क’ याने कुंतल देशात राज्य स्थापन केले. त्याची राजधानी होती ‘मानपूर नगरी’ सध्या राजेवाडीच्या तलावात लोप पावली म्हणजेच स्थिरावली आहे.

🚩ब्रिटिश सरकारने इ. सन 1873 साली म्हसवड जवळ राजेवाडी तलाव निर्माण करून मानपूर नगरीचे उरलेसुरले अस्तित्व नष्ट करून टाकले. तथापि त्या ठिकाणच्या जवळच अद्याप शंभू महादेवाचे प्राचीन सुरेख मंदिर असून त्यात कोरीव कलेचा उत्कृष्ठ नमुना असलेला नंदी पाहायला मिळतो. त्यास नांगरतास असे नाव आहे . प्रत्यक्ष पाहून मग ‘मानपूर नगरी’ ची कल्पना येईल.

🚩या मानाड्क राजाचा देश ‘माणदेश’ म्हणून पुढे प्रसिद्ध पावला, असे काही
इतिहासकारांच मत आहे.’

🚩मानाड्क’ राजाने इ.स.375 च्या दरम्यान राज्य केले. मानपूरचे राष्ट्रकुट राज्य इ.स.974 च्या सुमारास मोडले. तेव्हापासून मानपूरचे अस्तित्व संपले. मानाड्क राजाचा पुत्र देवराज राज्य करत
होता. याच देवराज राजाच्या नावावरून देवापूर नाव पडले. देवापूर गाव सध्या आहे.देवराज राजाचा पणतू अभिमन्यू, पुढे राजा गोविंद यांचे माणदेशावर राज्य होते.

🚩माणदेशावर 8/ते 12 व्या शतकापर्यंत चालुक्य, शिलाहार, देवगिरीच्या यादवांचे राज्य होते.

🚩म्हसवड इतिहास प्रसिद्ध प्राचीन गाव आहे. त्याठीकाणी माणगंगा नदीकाठी , उत्तरेस बाजीराव धुहाळांनी इ.स दहाव्या शतकात श्री.सिद्धनाथ जोगेश्वरी मंदीर बांधले. श्री .सिध्दनाथ जोगेश्वरी शंकर पार्वतीची रूपे आहेत. मानाड्क राजाचा नातू गरूड राजा राज्य करीत असताना म्हसवडच्या सिध्दनाथ मंदिरात परंपरागत पांढरा हत्ती होता. तो वारला. गरूड राजाने परांड्याच्या किल्ल्यातून प्रचंड मोठा दगड आणून मेलेल्या हत्तीची प्रतिकृती घडवली. तोच हा सुंदर देखणा हत्ती.

माणदेशातील इतिहास कालीन घटना

🚩भिल्लणाचा नातू सिंघण (1120 ते 1247) हा शिवभक्त राजा होता. त्याने शिखर शिंगणापुर हे गाव शंभू महादेवाच्या मंदिराजवळ वसविले.

🚩इ. सन 1187 साली कलचुरी राजाचा पराभव करून माणदेशावर भिल्लणदेव यादवाने यादवांची राजवट चालू केली.

🚩इ.स.1209 साली म्हसवड चे सरदार माने यांनी पन्हाळा किल्ला घेतला व कसबा बीडवर
आक्रमण केले.

🚩इ.स.1659 साली छ.शिवाजीराजे व सरदार रथाजी माने यांची गुप्त बैठक शिखर शिंगणापुरचे पूर्वेस दोन कि.मी.अंतरावर गुप्त लिंगाच्या देवळात झाली.

🚩इ.स.1667 रथाजी माने यांचा विजापूरच्या आदिलशहाच्या सरदाराकडून फसवून वध केला.

🚩.इ.स.1693 मार्च नागोजी माने विदर्भाकडे स्वारीस गेले. इ.स.8 एप्रिल 1697 सेनापती संताजी घोरपडेचा म्हसवड येथे मुक्काम होता.

🚩इ.स.16 जून 1697 सेनापती संताजी घोरपडे व पुतळाबाई कारखेलच्या(ता-माण) रानात मृत्यूमुखी पडले

🚩माणदेशात ब्रिटिशाविरूध्द बाज्या बैज्याचे माणदेशी बंड. तुकाराम पुकळे यांचा सातारा, माढा .
धुळे म्हणजे म्हसवड जवळील धुळदेव येथे नाना पाटिल यांच्या प्रतिसरकारात सहभाग.

🚩माणदेशात 16 व्या व 17 व्या शतकात औरंगजेबाच्या माणदेशात लष्करी छावण्या होत्या.

🚩औरंगजेब महाराष्ट्रात 27 वर्ष होता.13 वर्ष म्हसवड पासून 12 ते 45 मैल एवढ्या अंतरावर खवसपूर, ब्रम्हपूरी, अकलूज येथे होत्या. 1-10-1700 माण नदीला अचानक महापूर आला. छावणीची वाताहत झाली. औरंगजेब पाण्यातून निघताना खडकावर आपटला. गुडघा मोडले व पुढचे दात पडले. (माण गंगेने औरंगजेबाला शिक्षा दिली)

🚩मलवडी गाव दहिवडीच्या वायव्येस 11 कि.मी.वर माणनदीच्या उगमाजवळ असून मराठा काळातील राजे घाटगे घराण्याचे गाव, येथील मूळ पुरूष रामराजा घाटगे यास बहमनी राज्यात लहानशी मनसब होती, बहमणी राज्यात राजे घाटगे याना माणदेशातील काही काळ सरदेशमुखी होती, घराण्याचा आदिलशाहीत यांना झुंजारराव ही पदवी होती.परत या घराचा वंश खंडित झाला.याचे राजवड्याचे अवशेष आजही दहिवडी, बुध, राजापूर (ता.खटाव) येथे दिसतात.

🚩मलवडी जरी मुख्य घाटगे स्थान झाले तरी येथील वाड्याचे अवशेष तेथील ग्रामपंचायतीने नेस्तनाबूत करून टाकले हे दुर्दैव!

🚩माणदेशात मुख्यता महिमानगड व वारूगड हे जुने दुर्ग! महि म्हणजे पर्वत अथवा महान मोठा मान म्हणजे माणदेश असे मिळून ‘महिमानगड ‘ मुघलकाळात त्याला मेहमानगड म्हणू लागले म्हणजे पाहुण्यांच्या स्वागतासाठी किल्ला ! परत त्याचे महिमानगडच झाले.
माणगंगा नदीला एकूण 63 ओढे, नाले, उपनद्यांचा संगम होऊन भिमा नदीस मिळते.

🚩माणदेशाचा प्रदेश 74` 22 मी.30` सें ते 75`,30 मी.पूर्व रेखांशावर आहे.

🚩त्याचा अक्षांश 17` उत्तर अक्षांश ते 17`,51 मी, 41` सें.उत्तर अक्षांश आहे.

🚩माणदेशाचा पूर्व-पश्चिम विस्तार 116.8 किलोमीटर व दक्षिणोत्तर विस्तार 91.2
किलोमीटर असा आहे.

🚩माणदेशाचे क्षेत्रफळ 48,700 चौ. किलोमीटर आहे. सध्या माणदेशात सातारा, सांगली व सोलापूर अशा तीन जिल्ह्यांच्या सिमा हद्दीवर आहे.

🚩साहित्यात “माणदेशी माणसे” नावाचे पुस्तक व्यंकटेश माडगूळकरांनी लिहले कारण याच माणदेशातील माडगूळ गावचे! त्यांनी बनगरवाडी हेही पुस्तक लिहिले.

🚩 याच माणदेशातील गावं ! नेहमीचा दुष्काळ असलेल्या गावाने कसे स्थलांतर केले याच्यावर पुढे मराठी चित्रपट पण निघाला. ” बनगरवाडी”!

🚩 गोंदवले येथे रामभक्त करणारे पण संत होऊन गेले ब्रम्हचैतन्य गोंदवलेकर महाराज याच माणदेशात! आज हे तिर्थक्षेत्र महाराष्ट्रात प्रसिद्ध आहे.मोही, हिंगणी,शेवागिरी महाराज पुसेगाव,ब्रिटीश कालीन संस्थांनापैकी औंधची प्रसिद्ध देवी,व ब्रिटीश कालिन वस्तु संग्रालय,कार्तेश्वर कातरखटावचा तीर्थक्षेत्रे तसेच धनगर समाजाचे आराध्यदैवते बिरोबा सतोबा या सारखी स्थानिक देव मंदीरे याच माणदेशातीलच!

🚩सर्व राज्यात व द. भारतात प्रसिद्ध पशुपालनाचा व्यवसाय,घोंगडी व कातडीसाठी म्हसवड,जनावरांची यात्रा पुसेगाव,औंध,मायणी,खरसुंडी येथे भरते ती याचमाणदेशात

🚩कडधाण्य,ज्वारी,बाजरी,मका,ऊस कांदा,डाळींब,पिकतात.

🚩बुध्याळचा तलाव ,राणंद,पिंगळी,राजावाडी,येरळवाडी तलाव शिंगणापुरचे तलाव प्रसिध्द आहेत.

🚩यांच माणदेशात देशात व देशाबाहेर प्रसिद्ध असणारे धनगरी गजनृत्य 300पेक्षा जास्त गावात खेळतात.

🚩याच माणदेशातील सांगोल्याचे आमदार सलग जास्त वेळा निवडूनआले.जगाच्या राजकारणात नाव आहे.

🚩माणदेशात सर्वात जास्त I A S .I P S. mpsc .upsc अनेक स्पर्धा परीक्षेत पास होऊन नोकरदार वर्ग. सरकारी नोकरदार वर्ग आढळतो.