भारतीय लष्कराच्या लढाऊ विमानांमध्ये Astra Mk-I क्षेपणास्त्रे बसवणार, 2971 कोटींचा करार

नवी दिल्ली, 1 जून 2022: ‘आत्मनिर्भर भारत’ कार्यक्रमांतर्गत, संरक्षण मंत्रालयाने 2,971 कोटी रुपये खर्चून भारतीय हवाई दल आणि भारतीय नौदलासाठी Astra Mk-I Beyond Visual Range (BVR) Air to Air Missile (AAM) लाँच केले आहे. संबंधित उपकरणांच्या पुरवठ्यासाठी 31 मे 2022 रोजी भारत डायनॅमिक्स लिमिटेड (BDL) सह करार झाला.

या श्रेणीचे क्षेपणास्त्र स्वदेशी बनवण्याचे तंत्रज्ञान आतापर्यंत उपलब्ध नव्हते. Astra Mk-I BVR AAM हे डिफेन्स रिसर्च अँड डेव्हलपमेंट ऑर्गनायझेशन (DRDO) द्वारे स्वदेशी डिझाइन आणि विकसित केले गेले आहे. त्यामुळे परदेशी क्षेपणास्त्रावरील अवलंबित्व कमी होईल. दृश्य श्रेणीच्या पलीकडे म्हणजे दृश्यमान नसलेल्या लक्ष्यांना मारण्यासाठी हे क्षेपणास्त्र उपयुक्त ठरेल.

हल्ला केव्हा आणि कुठून झाला हे शत्रूला कळणार नाही

BVR क्षमतेसह हवेतून हवेत मारा करणारे क्षेपणास्त्र त्याच्या लढाऊ विमानांना उत्तम स्टँड-ऑफ श्रेणी प्रदान करते. शत्रूला कळणारही नाही की क्षेपणास्त्र कधी आणि कोठून आलं. त्यामुळे हवाई क्षेत्रात ताकद मिळते. हे क्षेपणास्त्र तांत्रिक आणि आर्थिकदृष्ट्या अशा अनेक आयात केलेल्या क्षेपणास्त्र प्रणालींपेक्षा श्रेष्ठ आहे. डीआरडीओने या क्षेपणास्त्राच्या अनेक यशस्वी चाचण्या केल्या आहेत.

सुखोई-30 एमके-आय या लढाऊ विमानात पूर्णपणे फिट आहे. लाइट कॉम्बॅट एअरक्राफ्ट (तेजस) सह टप्प्याटप्प्याने इतर लढाऊ विमानांशी देखील ते एकत्रित केले जाईल. भारतीय नौदल हे क्षेपणास्त्र मिग-29 के लढाऊ विमानातही बसवणार आहे. या क्षेपणास्त्राचे वजन 154 किलो आहे. ते सुमारे 12.6 फूट लांब आहे.

शत्रू त्याच्या आक्रमणामुळं आणि वेगामुळे अस्वस्थ होतील

Astra Mk-I BVR AAM क्षेपणास्त्र 15 किलो हाय-एक्सप्लोसिव प्री-फ्रेग्मेंटेड वॉरहेड्ससह बसविले जाऊ शकते. त्याची स्ट्राइक रेंज 110 किमी आहे. ते 20 किमी उंचीपर्यंत जाऊ शकते. म्हणजेच फायटर जेटमधून प्रक्षेपण केल्यानंतरही ते इतक्या उंचीवर जाऊन जाऊ शकणार आहे. सर्वात धोकादायक गोष्ट म्हणजे त्याचा वेग. ते मॅच 4.5 च्या वेगाने शत्रूकडे जाते. म्हणजेच ताशी 5556.6 किलोमीटर वेगाने. म्हणजेच शत्रूला पळून जाण्याची संधी मिळणार नाही.

न्यूज अनकट प्रतिनिधी: ईश्वर वाघमारे