अफगाणिस्तानात भरदिवसा ३ महिला मीडिया कर्मचार्‍यांची हत्या

काबूल, ४ मार्च २०२१: अफगाणिस्तानात स्थानिक रेडिओ आणि टीव्ही स्टेशनमध्ये काम करणाऱ्या तीन तरूणींची दिवसाढवळ्या हत्या करण्यात आली आहे. जलालाबादमध्ये घडलेल्या या घटनेची जबाबदारी इसिसने घेतली आहे. मुरसल वहीदी, सादिया सआदत आणि शहनाज अशी या तीन महिलांची नावे आहेत. तिघीही १८ ते २० वयाच्या होत्या. एन्नीक्स टीव्ही स्टेशनवरून काम संपवून जेव्हा तिन्ही महिला घरी परत येत होत्या तेव्हा त्यांच्यावर हल्ला करण्यात आला. अफगाणिस्तानच्या प्रशासनाचे म्हणणे आहे की त्यांनी या प्रकरणात मारेकरीला अटक केली आहे. कारी बसार असे या व्यक्तीचे नाव असून तो तालिबानचा सदस्य असल्याचे वर्णन केले जात आहे. मात्र, या व्यक्तीचा तालिबानशी काही संबंध नसल्याचा दावा तालिबानचे प्रवक्ते जबिदुल्ला मुजाहिद ने केला आहे.

या हल्ल्याची जबाबदारी स्वीकारणाऱ्या इसिसने या प्रकरणात म्हटले आहे की, या महिलांना लक्ष्य केले गेले कारण त्यांनी ‘धर्मभ्रष्ट’ अफगाणिस्तान सरकारशी निष्ठा असणार्‍या मीडिया स्टेशनवर काम केले. हे लक्षात घेण्यासारखे आहे की यापूर्वीही इसिसने डिसेंबर २०२० मध्ये एनिक्स रेडिओ आणि टीव्हीच्या एका महिला कर्मचार्‍याची हत्या केली होती.

या प्रकरणात मोहम्मद नजीफ यांनी एएफपी न्यूज एजन्सीशी बोलताना सांगितले की, “चुलत बहीण सद्दिया सदाद केवळ १८ वर्षांची होती आणि ती गेल्या एक वर्षांपासून या टीव्ही स्टेशनमध्ये काम करून आपल्या कुटुंबाचा उदरनिर्वाह करण्याचा प्रयत्न करीत होती. नोकरी करत असल्याबद्दल तिचे कुटुंब खूप आनंदात होते. तिला कोणत्याही संस्थेकडून कोणताही इशारा मिळालेला नव्हता. हे दहशतवादी निरपराध मुलींना लक्ष्य का करतात हे मला माहिती नाही.”

अफगाणचे अध्यक्ष अश्रफ गनी यांनीही या हल्ल्यांचा निषेध केला आहे. ते म्हणाले की, निष्पाप महिलांवरील प्राणघातक हल्ला केवळ इस्लामविरूद्धच नाही तर अफगाणिस्तानाची संस्कृती आणि शांतता भंग करणारे आहे. त्याचवेळी या वादग्रस्त टीव्ही स्टेशनच्या बातमी लेखापरीक्षकांनी सांगितले की, या तिन्ही महिला अतिशय लोकप्रिय होत्या आणि बर्‍याचदा तुर्की आणि भारताच्या भावनिक मालिका अफगाणिस्तानाच्या स्थानिक भाषेत डब करत असत.

न्यूज अनकट प्रतिनिधी: ईश्वर वाघमारे