पोस्टमनचा अपघातात मृत्यु

राजगुरूनगर : खेड तालुक्यातील आंबोली पाईट रोडवर सकाळच्या सुमारास वाघुफाडा येथे पोस्टमन पत्र वाटप करायला जात असताना अज्ञात वाहनाने पाठीमागून धडक देऊन चिरडल्याची धक्कादायक घटना घडली असुन किसन विष्णु शिंदे असे अपघातात मृत्यु झालेल्या पोस्टमनचे नाव आहे.

ग्रामीण भागात पोस्टमन पत्र वाटप करण्यासाठी एका गावातून दुसऱ्या गावात आजही पायी पायपिठ करतात अशात. आज पोस्टमन च्या अपघाताची धक्कादायक घटना घडल्याने परिसरातील गावातील नागरिकांनी घटनास्थळी धाव घेतली. मात्र त्यांचा अज्ञात वाहनाचे पाठीमागुन धडक दिल्याने जागीच मृत्यु झाला. त्यामुळे नागरिकांमध्ये हळहळ व्यक्त केली जात आहे.

वि-हाम आंबोली पाईट परिसरातुन मोठ्या प्रमाणात मुरुम, मातीची वाहतुक सुरु आहे हि वाहने भरधाव वेगाने जात असताना या परिसरात अनेक अपघाताच्या घटना घडल्या आहे. मात्र या वाहनांकडे पोलीस प्रशासन दुर्लक्ष करत असल्याचा आरोप नागरिक करत आहे.