अ‍ॅटलस कंपनीच्या मालकीनीची आत्महत्या

नवी दिल्ली (वृत्तसंस्था): जगात प्रसिद्ध सायकल बनविणारी कंपनी म्हणून अ‍ॅटलस सायकलचे नाव आहे. या अ‍ॅटलसच्या मालकीनीनं नवी दिल्ली येथे गळफास घेऊन आत्महत्या केल्याची धक्कादायक घटना समोर आली आहे.
या घटनेनंतर परिसरात एकच खळबळ उडाली आहे. आत्महत्येचे कारण अद्याप समजू शकलेलं नाही. नताशा कपूर असं त्यांचं नाव आहे.

याबाबत दिल्ली पोलिसांच्या सूत्रांनी दिलेल्या माहितीनुसार, दिल्लीतील औरंगजेब रोडवर असलेल्या एका घरात एका महिलेचा मृतदेह आढळून आला आहे. ही मृत महिला नताशा कपूर असल्याचं समजत आहे. या घटनेची माहिती पोलिसांना मिळताच त्यांनी घटनास्थळी धाव घेतली आहे. या घटनेनंतर अनेकांनी हळहळ व्यक्त केली आहे. अनेकांनी या घटनेबाबत आश्चर्य व्यक्त केलं आहे.
नताशा कपूर यांनी पंख्याला लटकून गळफास घेत आत्महत्या केली आहे. घटनेची माहिती पोलिसांना मिळाल्यानंतर घटनास्थळी दाखल झालेले पोलीस या प्रकरणाचा अधिक तपास करत आहेत. या घटनेची अधिक माहिती अद्याप समोर आलेली नाही. नताशा कपूर यांच्या पतीचं नाव संजय कपूर आहे.