महाराष्ट्र केसरी राहुल काळभोर यांच्या वाढदिवसानिमित्त आरोग्य तपासणी शिबिर

लोणीकाळभोर, दि.२०मे २०२० : कदमवाकवस्ती येथे आज (बुधवार) कोरोनाच्या पार्श्वभूमीवर संभाजी नगर, कदमवाकवस्ती, मध्ये एक अनोख्या पद्धतीने वाढदिवस साजरा करण्यात आला.

महाराष्ट्र केसरी राहुल भाऊ काळभोर, यांच्या वाढदिवसानिमित्त युवा नेते कु.अविनाश (पप्पू) बडदे, यांच्यातर्फे कदमवाक वस्तीमध्ये नागरिकांसाठी मोफत सॅनीटायजर, आरोग्य तपासणी व मोफत औषध वाटप करण्यात आले.

प्राथमिक आरोग्य केंद्राचे आरोग्य अधिकारी डॉ. डी. जे. जाधव, यांच्या मार्गदर्शनाखाली डॉ. अरुण पांडव, डॉ. स्वप्नील पाटील, डॉ. पूजा इंगळे, डॉ. मोतीराम शिंदे, डॉ. अविनाश समुद्रे, यांनी सहकार्य केले.

लहान मुलांची रोग प्रतिकारक क्षमता कमी असते त्यामुळे त्यांची विशेष काळजी घेतली पाहिजे. सध्याच्या कोरोनाच्या परिस्थितीत सगळ्या तरूण मित्रांनीही आपला वाढदिवस साजरा न करता गोर- गरीब लोकांना मदत करा. असे “न्यूज अनकट” शी बोलताना भाजपा नेते चित्तरंजन गायकवाड, यांनी सांगितले.

यावेळी कदमवाकवस्ती ग्रामपंचायतीच्या सरपंच गौरी गायकवाड, प्रवीण काळभोर, ग्रामपंचायत सदस्य राणी बडदे, कमलेश काळभोर, राजेंद्र हाजगुडे, यांच्या उपस्थितीत कार्यक्रम पार पडला.

न्यूज अनकट प्रतिनिधी – ज्ञानेश्वर शिंदे