ऑस्ट्रेलियाच्या पंतप्रधानांकडून मोदींना सामोसा खाण्याचे आमंत्रण

ऑस्ट्रेलिया, दि. १ जून २०२०: ऑस्ट्रेलियन पंतप्रधान स्कॉट मॉरिसन यांनी रविवारी आपल्या ट्विटर हँडलवर पीएम मोदींना टॅग करताना समोशाचा फोटो लावला आहे. यात त्यांनी ४ जून रोजी होणाऱ्या बैठकीबद्दल असे म्हटले आहे की, जर या आठवड्यात बैठक समोरासमोर ठेवली गेली तर ते पंतप्रधान मोदींसोबत सामोसे सामायिक करतील कारण ते शाकाहारी आहेत. त्यावेळेस पीएम मोदींनी या ट्विटला उत्तर म्हणून लिहिले आहे की समोसे स्वादिष्ट वाटतात. कोरोना विरुद्ध विजय मिळताच आम्ही एकत्र बसून सामोसे खाण्याचा आनंद घेऊ.

नरेंद्र मोदी यांनी आपल्या ट्विटर हँडल वर लिहिले कि, ”हिंदी महासागराशी जोडलेला आणि सामोशाला बांधलेले. ‘ पंतप्रधान स्कॉट मॉरिसन सामोसा स्वादिष्ट दिसत आहेत. एकदा आम्हाला कोविड -१९ विरूद्ध निर्णायक विजय मिळाला की मग आपण एकत्र बसून सामोशांचा आनंद घेऊ. ४ जून रोजी एका व्हिडिओ बैठकीत भेटू.

यापूर्वी मॉरिसन यांनी त्यांच्या ट्विटर अकाउंट वर एक फोटो ट्विट करत असे म्हटले होते की, ट्रे मध्ये समोसा आहे आणि त्यासोबत चटणी आहे, आज रविवारचा दिवस आहे. परंतु चार तारखेला होणाऱ्या बैठकीत पंतप्रधान नरेंद्र मोदी यांना भेटता येणार नाही. कारण ही बैठक व्हिडिओ कॉन्फरन्सद्वारे होणार आहे. पंतप्रधान नरेंद्र मोदी हे शाकाहारी आहेत आणि मला त्यांच्यासोबत हे सामोसे सामायिक करण्यास आवडेल.

४ जून रोजी बैठक

पंतप्रधान-मोदी आणि ऑस्ट्रेलियन पंतप्रधान स्कॉट मॉरिसन यांच्यात व्हिडिओ कॉन्फरन्सद्वारे ४ जून रोजी भारत-ऑस्ट्रेलिया शिखर परिषद होणार आहे. यावेळी, दोन्ही नेते परस्पर संबंध वाढविण्याबाबत चर्चा करतील. यावेळी भारत, ऑस्ट्रेलिया दरम्यान व्यापार, संरक्षण आणि तंत्रज्ञान एक्सचेंजवर अनेक करार होऊ शकतात.

न्यूज अनकट प्रतिनिधी