पुढील आठवड्यात रशिया वापरणार आपले पहिले कोविड -१९ औषध

मॉस्को, दि. ३ जून २०२०: पुढच्या आठवड्यात रशिया रुग्णांना कोविड -१९ च्या उपचारांसाठी मंजूर केलेले पहिले औषध देणे सुरू करेल, असे त्यांच्या राज्याच्या आर्थिक पाठबळ्यांनी रॉयटर्सला सांगितले, ज्यामुळे त्यांना असे वाटते की आरोग्य यंत्रणेवरील ताण कमी होईल आणि नेहमीचे सामान्य आर्थिक जीवन पुन्हा सुरळीत चालू होईल.

रशियन रुग्णालये ११ जूनपासून रूग्णांना अविफावीर (Avifavir) या नावाने नोंदणीकृत अँटीव्हायरल औषध देणे सुरू करू शकतात, असे रशियाच्या आरडीआयएफ सार्वभौम संपत्ती फंडाच्या प्रमुखांनी मुलाखतीत रॉयटर्सला सांगितले. ते म्हणाले की या औषधामागील कंपनी महिन्यात सुमारे ६०,००० लोकांवर उपचार करण्यासाठी पुरेसे उत्पादन करेल.

कोविड -१९ वर सध्या कोणतीही लस उपलब्ध नाही. लस शोधण्याचे काम जवळजवळ सर्व ठिकाणी चालू आहे. या नवीन व्हायरस वर वापरण्यात येणारी अँटीव्हायरस औषधे सध्यातरी फारसे परिणामकारक वाटत नाहीत.

गीलिदमधील रेमडेसविर नावाच्या नवीन अँटीव्हायरल औषधाने कोविड विरूद्ध उपचार करण्यासाठी काही प्रमाणात यश मिळत आहे. हे औषध काही देशांमध्ये अतिदक्षतेच्या रुग्णांमध्ये वापरले जात आहे. हे औषध देण्यासाठी काही देशांमध्ये नियमावली देखील ठरवण्यात आली आहे.

फॅविपिरावीर म्हणून सर्वसाधारणपणे ओळखले जाणारे अवीफाविर पहिल्यांदा जपानी कंपनीने १९९० च्या उत्तरार्धात विकसित केले होते. नंतर हे फूजीफिल्म यांनी खरेदी केले.

आरडीआयएफचे प्रमुख किरिल दिमित्रीव्ह म्हणाले की रशियन शास्त्रज्ञांनी औषधाची कार्यक्षमता वाढवण्यासाठी ते सुधारित केले. ते म्हणाले की मॉस्को त्या बदलांची माहिती दोन आठवड्यात सांगण्यास तयार असेल.

जपान सुद्धा याच औषधाची चाचणी घेत आहे. जपानमध्ये या औषधाला अविगन नावाने ओळखले जाते. पंतप्रधान शिन्झो अाबे आणि सरकारी निधीतून या औषधासाठी १२८ दशलक्ष डॉलर्स देण्यात आले आहे, परंतु वापरासाठी मंजूर होणे बाकी आहे. अवीफावीर औषधाला शनिवारी रशियन सरकारने मंजूर औषधांच्या यादीत जागा दिली आहे.

न्यूज अनकट प्रतिनिधी