पाथर्डी तालुक्यातील करंजी घाटात ट्रक उलटला

पाथर्डी, दि.७ जून २०२० : पाथर्डी तालुक्यातील करंजीघाट येथे रविवारी चाकणहून नांदेडकडे बारदाना घेऊन जाणाऱ्या ट्रकचा ब्रेक नादुरुस्त झाल्याने ट्रक रस्त्यावर उलटला. त्यामुळे काही वेळ वाहतुकीचा खोळंबा झाला होता. या अपघातामध्ये ट्रक चालक किरकोळ जखमी झाला आहे .

कल्याण विशाखापट्टणम या राष्ट्रीय महामार्गाचे काम सुरू करण्यात आले. मात्र करंजी घाटासह अनेक ठिकाणी महामार्गाचे काम अर्धवट अवस्थेत राहिल्याने या अर्धवट कामामुळे अनेक वाहनांचे लहान-मोठे अपघात होत आहेत . करंजी घाटामध्ये देखील अर्धवट कामामुळे रस्त्यावर मोठमोठे खड्डे पडले असून अनेक वेळा खड्डे चुकवताना देखील वाहनांचे अपघात होत आहेत .
त्यामुळे राष्ट्रीय महामार्ग विभागाने तात्काळ रखडलेले महामार्गाचे काम पूर्ववत सुरू करावे अशी मागणी प्रवासी वर्गाकडून केली जात आहे.

घाटात ट्रकचा अपघात झाल्याचे समजताच करंजी पोलीस औट पोस्ट व महामार्गावरील पोलीस घटनास्थळी आल्यानंतर त्यांनी अपघातग्रस्त ट्रक बाजूला घेऊन घाटातील वाहतूक सुरळीत सुरू केली .

न्युज अनकट प्रतिनिधी: