लंडन, १० जुलै २०२० : पंजाब नॅशनल बँकेचे १४ हजार कोटींची फसवणूक करणारा आणि मनी लॉन्ड्रिंग प्रकरणात लंडनमध्ये अटकेत असलेल्या हिरे व्यापारी नीरव मोदी याच्या कोठडीत ६ ऑगस्टपर्यंत वाढ करण्यात आली आहे. ईडी कडून निरव मोदीची कोट्यवधींची संपत्ती जप्त केली असून दरम्यान काल कोठडी संपल्यानंतर ब्रिटनच्या न्यायालयाने यासंदर्भात आदेश दिला आहे.
ईडी कडून निरव मोदीच्या ३२९.६६ कोटी रुपयांच्या संपत्तीची जप्ती करण्यात अली आहे.जप्त केलेल्या संपत्ती मध्ये मुंबईतल्या वरळीतील समुद्र महल या आलिशान बिल्डिंगमधील चार फ्लॅट,एक सी-साईड फार्म हाऊस, अलिबागमधली जमीन, जैसलमेरमधी पवन चक्की, लंडनमधील फ्लॅट, युएईमधला रेसिडेन्शियल फ्लॅट, शेयर आणि बँकमध्ये जमा असलेल्या रकमेचा समावेश आहे. कोर्टाने जून महिन्यात नीरव मोदीची १,३९६ कोटीची संपत्ती जप्त करण्याचे आदेश दिले होते.
पंजाब नॅशनल बँकेचे १४ हजार कोटींचे कर्ज बुडवून नीरव मोदी परदेशात पसार झाला होता. लंडनमध्ये गेल्या वर्षी मार्चमध्ये त्याला अटक करुन,सध्या नीरव मोदी लंडनमधील वन्डस्वर्थ कारागृहात बंद आहे.नीरव मोदीविरुद्ध सुरूअसलेल्या ब्रिटन मधील प्रत्यार्पणाचा खटल्याची सुनावणी ७ सप्टेंबरला होणार आहे.
न्यूज अनकट प्रतिनिधी
