टिकटॉकचे मुख्य कार्यकारी अधिकारी केविन मेयर यांनी दिला राजीनामा…

वॉशिंग्टन, २७ ऑगस्ट २०२०: टिक टॉकचे मुख्य कार्यकारी अधिकारी केविन मेयर यांनी राजीनामा दिला आहे. वृत्तसंस्था एएफपीने या वृत्ताला दुजोरा दिला आहे.

गेल्या काही आठवड्यांपासून अमेरिकेत टिक टॉकवर बंदी घातल्याची चर्चा आहे. अमेरिकन राष्ट्राध्यक्ष डोनाल्ड ट्रम्प यांनी हे स्पष्ट केले आहे की, एकतर कंपनी आपला अमेरिकन व्यवसाय विकेल किंवा अॅपवर बंदी घातली जाईल.

हे लक्षात घेण्यासारखे आहे की केविन मेयर केवळ चार महिन्यांपूर्वीच टिकटोकचे मुख्य कार्यकारी अधिकारी झाले होते. यापूर्वी ते डिस्नेमध्ये अव्वल कार्यकारी होते. केविन मेयर यांनी म्हटले आहे की, “गेल्या काही आठवड्यांमध्ये राजकीय वातावरणात बरेच बदल झाले आहेत. जे बदल करणे आवश्यक होते ते बदल मी केले आहेत आणि यासाठीच मला जागतिक भूमिकेमध्ये सहभागी करून घेतले गेले होते.’

टिक टॉक च्या प्रवक्त्याने सांगितले आहे की, केविन मेयरच्या निर्णयाचा कंपनी आदर करत आहे. कंपनीच्या बाजूने असेही म्हटले आहे की गेल्या काही महिन्यांत राजकीय वातावरण बदलले आहे.

गेल्या काही महिन्यांपासून अमेरिकेत टिक टॉक अ‍ॅपवर बंदी घालण्याची भीती आहे. अमेरिकेचे अध्यक्ष डोनाल्ड ट्रम्प यांनी अलीकडेच म्हटले आहे की, कंपनीने आपला यूएस व्यवसाय ९० दिवसांच्या आत विकावा.

जर ९० दिवसांच्या आत टिक टॉक व्यवसाय विकला गेला नाही तर अ‍ॅपवर बंदी घातली जाईल. तथापि, अलीकडेच टिक टॉकने देखील याची पुष्टी केली आहे की, कंपनी अमेरिकन अध्यक्षांच्या या आदेशाला आव्हान देईल आणि त्यांच्यावर खटला करेल.

टिक टॉकचा अमेरिकेतील व्यवसाय विकत घेण्यासाठी मायक्रोसॉफ्ट सध्या टीक टॉकची मूळ कंपनी बाईटडन्सशी बोलतो आहे. इतकेच नव्हे तर अलीकडे अशी बातमीही मिळाली की, अमेरिकन कंपनी ओरॅकलदेखील टिक टॉक अमेरिका व्यवसाय खरेदी करण्यात रस दाखवित आहे.

न्यूज अनकट प्रतिनिधी