इटालियन ओपन : नोवाक जोकोविच १४ व्या वेळी आणि राफेल नदाल १५ व्या वेळी इटालियन ओपन च्या क्वार्टर फायनलमध्ये

रोम, १९ सप्टेंबर २०२०: सर्बियाचा स्टार टेनिसपटू नोवाक जोकोविच आणि स्पेनचा टेनिसपटू राफेल नदाल यांनी शुक्रवारी इटालियन ओपनच्या क्वार्टर फायनलमध्ये आपले स्थान निश्चित केले आहे. वर्ल्ड नंबर १ खेळाडू जोकोविच याने पुरुष एकेरी स्पर्धेत प्री क्वार्टर फायनलमध्ये, हवतमन फिलिप क्रझिनोविक याला ७-९, ६-७, ६-३ अशी मात देत क्वार्टर फायनलमध्ये आपले स्थान निश्चित केले.

तसेच वर्ल्ड नंबर २ खेळाडू नदाल याने पुरुष एकेरी स्पर्धेत प्री क्वार्टर फायनलमध्ये, दूसान लाजोविक याला ६-१, ६-३ ने पराजित करत क्वार्टर फायनलमध्ये आपले स्थान निश्चित केले. राफेल नदाल याचा क्वार्टर फायनलचा सामना २० सप्टेंबर रोजी डीएगो श्वार्टज़मैन याच्यासोबत होणार आहे.

राफेल नदाल हा १५ व्या वेळी क्वार्टर फायनल मध्ये खेळणार आहे. तसेच जोकोविच १४ व्या वेळी इटालियन ओपनच्या क्वार्टर फायनलमध्ये खेळणार आहे.

दुसरीकडे स्टान वावरिंका आणि जपानचा केई निशिकोरी याला पराजित करणारे लोरेंजो मुसेटी याला जर्मनीच्या डॉमिनिक कोएफर ने ६-४, ६-० ने पराजित केले. याचसोबत सीड माटेयो बारेटिनी याने स्टीफानो ट्रवागिलाला ७-६ (५), ७-६(१) अशी मात देत क्वार्टर फायनलमध्ये आपले स्थान निश्चित केले.

न्यूज अनकट प्रतिनिधी: अंकुश ढावरे