कुरकुंभ एमआयडीसीत पुन्हा अग्नितांडव

कुरकुंभ, १ ऑक्टोंबर २०२०: कुरकुंभ औद्योगीक क्षेत्रातील शिवशक्ती ऑक्सिलेट प्लॉट न./८४-१ या डीस्टीलेशन कंपनीला पहाटे दीड वाजण्याच्या सुमारास भीषण आग लागलीय. सुदैवानं यामध्ये कोणतीही जीवितहानी झालेली नाही. मात्र, संपूर्ण कंपनी जळून खाक झाली आहे.

आगीचं प्रमुख कारण समजू शकलं नाही. कुरकुंभ औद्योगीक क्षेत्रातील अनेक मोठ्या रासायनीक कंपनीमधील रासायनीक प्रक्रिया झालेले विविध प्रकारच्या रसायनाच्या डीस्टीलेशनची प्रक्रिया या ठिकाणी केली जात असे. यामध्ये मोठ्या स्वरुपात अवैध रासायनीक साठा असल्याची माहिती समोर येत असुन सुरक्षेच्या कुठल्याही प्रकारच्या सुविधा या ठिकाणी नसल्याचं दिसून आलंय.

अश्या प्रकारच्या अनेक छोट्या कंपन्या सध्या येथे कार्यरत असुन यामध्ये देखील रासायनीक ड्रम अस्तव्यस्त ठेवल्यानं आगीच्या घटनेत यावर नियंत्रण मिळवता येत नाही. पहाटे उशिरापर्यंत या आगीवर नियंत्रण मिळवता आलं नाही. रासायनीक साठा संपूर्ण जळून गेल्यावर सुमारे चार वाजता आग विजली आहे. याबाबत आता पुढील कारवाई काय होणार हे पाहणं महत्त्वाचं ठरणार आहे.

न्यूज अनकट प्रतिनिधी: रिजवान शेख