११९ नामांकित व्यक्तींना पद्म पुरस्कार जाहीर

नवी दिल्ली, २६ जानेवारी २०२१: प्रजासत्ताक दिनाच्या पूर्वसंध्येला देशातील सर्वोच्च नागरी पुरस्कार पद्म पुरस्कार जाहीर झाले. याअंतर्गत पद्म विभूषण, पद्मभूषण आणि पद्मश्री या तीन प्रकारांनी पुरस्कृत केले जाते. ७२ व्या प्रजासत्ताक दिनाच्या पूर्वसंध्येला सरकारने पद्म पुरस्काराने सन्मानित झालेल्या लोकांची नावे जाहीर केली आहेत.

या वेळी ११९ लोकांना पद्म सन्मान मिळणार आहे. यात ७ पद्मविभूषण, १० पद्मभूषण आणि १०२ पद्मश्री पुरस्कारांचा समावेश आहे. माजी जपानचे पंतप्रधान शिंजो आबे, गायक एसपी बालासुब्रमण्यम (मरणोत्तर), वाळूज कलाकार सुदर्शन साहू, पुरातत्वशास्त्रज्ञ बीबी लाल यांना पद्मविभूषण पुरस्काराने सन्मानित केले जाईल. आसामचे माजी मुख्यमंत्री तरुण गोगोई यांना मरणोत्तर पद्मभूषण देण्यात येईल.

माजी लोकसभा सभापती सुमित्रा महाजन, पंतप्रधान नरेंद्र मोदींचे माजी प्रधान सचिव नृपेंद्र मिश्रा, माजी केंद्रीय मंत्री रामविलास पासवान (मरणोत्तर) आणि धर्मगुरु काब्ले सादिक (मरणोत्तर) यांच्यासह १० जणांना पद्मभूषण पुरस्काराने गौरविण्यात येईल.

१०२ पद्मश्री पुरस्कार मिळणाऱ्यांमध्ये गोव्याचे माजी राज्यपाल मृदुला सिन्हा, ब्रिटिश चित्रपट दिग्दर्शक पीटर ब्रूक, फादर वेल्स (मरणोत्तर), प्राध्यापक चमन लाल सप्रू (मरणोत्तर) आहेत.

ज्यांनी विविध क्षेत्रात विशेष योगदान दिले आहे त्यांना ‘पद्मविभूषण’ देऊन सन्मानित केले जाते. असाधरण आणि प्रतिष्ठित सेवेसाठी, ‘पद्मभूषण’ उच्च स्तर विशिष्ट सेवेसाठी आणि कोणत्याही क्षेत्रात विशिष्ट सेवेसाठी ‘पद्मश्री’ ने सन्मानित केले जाते. यावेळी १०२ व्यक्तीचा सन्मान करण्यात आला आहे.

न्यूज अनकट प्रतिनिधी: ईश्वर वाघमारे