अमरावतीच्या लॉक डाऊन मध्ये ८ मार्च पर्यंत वाढ

अमरावती, २८ फेब्रुवरी २०२१: राज्यात कोरोनाचा संसर्ग वाढताना दिसत आहे. राज्य सरकारने अमरावती व अचलपूर या जिल्ह्यांमध्ये लॉक डाऊन वाढवत ते ८ मार्च पर्यंत पुढे ढकलले आहे. यादरम्यान केवळ अत्यावश्यक सेवांना परवानगी देण्यात आली आहे. यासह अंजनगाव सुरजी या भागाला कंटेनमेंट झोन म्हणून घोषित करण्यात आले आहे.

यापूर्वी या शहरांमध्ये २१ फेब्रुवारी रोजी एका आठवड्यासाठी लॉक डाऊन लावण्यात आले होते. हे लॉक डाऊन १ मार्च पर्यंत लावण्यात आले होते. मात्र, शनिवारी परिस्थितीचा आढावा घेतल्यानंतर लॉक डाऊन मध्ये पुन्हा वाढ करण्यात आली आहे.

लॉकडाऊन दरम्यान आवश्यक वस्तू वगळता सर्व दुकाने बंद राहतील.  याशिवाय सर्व सरकारी व खासगी शैक्षणिक संस्था, खाजगी प्रशिक्षण केंद्रे इत्यादी बंद राहतील.  लोकांना आवश्यक वस्तू सकाळी ९ ते संध्याकाळी ५ दरम्यान खरेदी करता येईल.

तर दुसरीकडे विदर्भामध्ये देखील कोरोनाचे संक्रमण वाढताना दिसत आहे. अमरावतीत लॉक डाउन असूनही रुग्णांची संख्या खूप वेगाने वाढत आहे.  अमरावती-अकोला विभागातील कोरोनाच्या ६४४६ घटनांनी प्रशासनाला जागे केले आहे.

ग्रामीण भागांपेक्षा शहरी भागात कोरोना संक्रमण अधिक वेगाने पसरत आहे.  जर आपण प्रमाण पाहिले तर ते १:३० आहे.  हेच कारण आहे की अमरावती हे प्रशासनाचे मुख्य लक्ष आहे.  शहरी भागात वेगवान चाचण्या घेण्यात येत आहेत.  यासह, कॉन्टॅक्ट ट्रेसिंगवर देखील संपूर्ण लक्ष दिले जात आहे.

न्यूज अनकट प्रतिनिधी: ईश्वर वाघमारे