नवी दिल्ली, १३ जून २०२१: इंडियन स्पेस रिसर्च ऑर्गनायझेशन (इस्रो) कार्बन सायकल अभ्यासासाठी मशीन लर्निंग, वेब जीआयएस टेक्नॉलॉजी आणि अर्थ ऑब्झर्वेशन यावरील तीन ऑनलाईन प्रमाणपत्र अभ्यासक्रम उपलब्ध करीत आहे. विद्यार्थ्यांसाठी ही एक सुवर्णसंधी आहे, कारण या अभ्यासक्रमांना भारतीय अवकाश संशोधन संघटनेत काम करणारे प्रख्यात शास्त्रज्ञ शिकवतील. इंडियन इन्स्टिट्यूट ऑफ रिमोट सेन्सिंग (आयआयआरएस), देहरादून यांनी आयोजित केलेले हे तीनही ऑनलाइन अभ्यासक्रम पूर्णपणे विनामूल्य आहेत.
आयआयआरएस, देहरादूनच्या वेबसाइटनुसार, ऑनलाइन शिक्षण अभ्यासक्रमातील प्रत्येक अभ्यासक्रम वेगवेगळ्या कालावधीत विभागलेला आहे, जो ४ ते १२ दिवस चालतो. तीनही कोर्स कोणीही करु शकतो. यासाठी सध्या महाविद्यालयीन व्यक्तीकडून नोकरीपर्यंत कोणतीही व्यक्ती अर्ज करू शकते. तथापि, त्यासाठी त्या व्यक्तीस त्याच्या विद्यापीठ किंवा संस्थेकडून परवानगी घ्यावी लागेल. कोर्स पूर्ण झाल्यानंतर आयआयआरएस (इस्रो) कडून प्रमाणपत्रही दिले जाईल.
मार्गदर्शकतत्त्वा मध्ये नमूद केले आहे की हा कोर्स विशेषत: विविध अनुप्रयोगांमध्ये रिमोट सेन्सिंग डेटा प्रोसेसिंगमध्ये काम करणाऱ्या व्यावसायिकांसाठी बनविला गेला आहे. ५ जुलै ते ९ जुलै या कालावधीत मशीन लर्निंग कोर्स होणार आहे. पुढील अभ्यासक्रम ‘कार्बन सायकल स्टडीज साठी अर्थ ऑब्झर्वेशन’ असेल, जो पृथ्वी निरीक्षणे, कार्बन मॉडेलिंग, कार्बन असेसमेंटमध्ये सहभागी संशोधक, व्यावसायिक आणि विद्यार्थ्यांसाठी डिझाइन केलेला आहे. हा कोर्स ५ दिवसांचा असेल आणि २१ जून ते २५ जून दरम्यान चालतील.
न्यूज अनकट प्रतिनिधी: ईश्वर वाघमारे
