छत्रपती शिवाजी महाराज म्हणायचं….

मुंबई : अभिनेता अजय देवगणचा सिनेमा ‘तान्हाजी द अनसंग वॉरिअर’ चा ट्रेलर नुकताच रिलीज झाला. या सिनेमाच्या ट्रेलर रिलीज दरम्यान,त्यावेळी या सिनेमातील कलाकारांनी म्हणजे अजय देवगण, शरद केळकर, सैफ अली खान दिग्दर्शक ओम राऊत यांनी पत्रकारांशी संवाद साधला.

या सिनेमात अभिनेता शरद केळकर हा छत्रपती शिवाजी महाराजांची भूमिका साकारत आहे. त्यामुळे त्याला शरद केळकरला शिवाजी महाराजांबद्दल प्रश्न विचारण्यात आला. मात्र, पत्रकाराने शिवाजी महाराजांचा एकेरी उल्लेख केला.
तेव्हा शरद केळकरने त्या पत्रकाराची चूक सुधारत शिवाजी नाही ‘छत्रपती शिवाजी महाराज’ म्हणायचं. शरद केळकरने पत्रकाराची चूक सुधारताच त्याच्या मनातील शिवाजी महाराजांबाबतचा आदर पाहून सर्वच आवाक झाले. या घटनेने तेथे उपस्थित शरद केळकरसाठी सर्वांनी टाळ्या वाजवल्या.

या घटनेचा व्हिडीओ सोशल मिडीयावर चांगलाच व्हायरल झाला असून नेटकऱ्यांनीशरद केळकरवर कौतुकाचा वर्षाव केला आहे