पहिल्या T20 सामन्यात भारतीय संघाचा विजय, सूर्यकुमार यादवची 62 धावांची शानदार खेळी

Ind Vs Nz, T20, 18 नोव्हेंबर 2021:  भारतीय संघाने न्यूझीलंडविरुद्धच्या T20 मालिकेला विजयाने सुरुवात केली आहे.  जयपूरच्या सवाई मानसिंग स्टेडियमवर खेळल्या गेलेल्या सामन्यात भारतीय संघाने अखेरच्या षटकात विजय मिळवला.

 एकवेळ टीम इंडिया हा सामना सहज जिंकेल असे वाटत होते, पण नंतर सामना अडकून शेवटच्या षटकापर्यंत पोहोचला.  पण शेवटी ऋषभ पंतने चौकार मारत भारतीय संघाला विजय मिळवून दिला.

 सामना कसा अडकला?

 कर्णधार रोहित शर्मा आणि सूर्यकुमार यादव या जोडीने न्यूझीलंडविरुद्ध शानदार फलंदाजी केली.  भारताच्या डावाच्या 14व्या षटकात कर्णधार रोहित शर्मा आपले अर्धशतक पूर्ण न करताच बाद झाला, त्यानंतर ऋषभ पंत क्रीजवर आला.  मात्र काही वेळाने सूर्यकुमार यादव बाद झाल्याने भारतीय संघ काही काळ अडचणीत सापडला होता.

भारतीय डावाच्या 17व्या षटकात सूर्यकुमार यादव बाद झाला आणि त्यानंतर श्रेयस अय्यर क्रीझवर आला.  अय्यर आणि पंत ही जोडी नवीन होती, अशा परिस्थितीत भारतीय संघाच्या धावांचा वेग काही प्रमाणात कमी झाला.  त्यानंतर टीम इंडियाला 18 चेंडूत फक्त 21 धावांची गरज होती.

 विकेट पडल्यानंतर टीम इंडिया बॅकफूटवर आली

 दोन नवे फलंदाज क्रीझवर आल्यावर न्यूझीलंड संघाने दडपण आणण्यास सुरुवात केली.  18व्या षटकात लॉकी फर्ग्युसनने केवळ 5 धावा दिल्या, तर 19व्या षटकात कर्णधार टीम साऊदीने केवळ 6 धावा दिल्या आणि श्रेयस अय्यरची विकेटही घेतली.  अशा स्थितीत 20व्या षटकात भारताला विजयासाठी 10 धावांची गरज होती.

 येथे पदार्पण करताना व्यंकटेश अय्यर क्रीजवर होता, तर ऋषभ पंत समोर होता.  अय्यरने चौकार मारला, पण पुढच्याच चेंडूवर तोही बाद झाला.  टीम इंडियाला 3 धावांची गरज असताना ऋषभ पंतने चौकार मारून भारतीय संघाला विजय मिळवून दिला.

 या सामन्यात भारतीय संघाने नाणेफेक जिंकून प्रथम गोलंदाजी करण्याचा निर्णय घेतला.  प्रथम फलंदाजी करताना न्यूझीलंडने 164 धावा केल्या, ज्या भारतीय संघाने शेवटच्या षटकात पार केल्या.  न्यूझीलंडकडून मार्टिन गप्टिलने 70, मार्क चॅपमनने 63 धावा केल्या.  त्याचवेळी भारताकडून सूर्यकुमार यादवने 62, कर्णधार रोहित शर्माने 48 धावा केल्या.

न्यूज अनकट प्रतिनिधी: ईश्वर वाघमारे