पुणे, 2 डिसेंबर 2021: Airtel आणि Vi (Vodafone-Idea) नंतर, Jio ने देखील आपले रिचार्ज प्लॅन महाग केले आहेत. जिओने आपल्या प्लॅनमध्ये 21% पर्यंत वाढ केली आहे. Jio च्या 75 रुपयांच्या प्लॅनसाठी 1 डिसेंबरपासून 91 रुपये भरावे लागतील.
नवीन योजनांच्या किंमती
129 रुपयांच्या प्लॅनची किंमत 155 रुपये, 399 रुपयांच्या प्लॅनची किंमत 479 रुपये, 1,299 रुपयांच्या प्लॅनची किंमत 1,559 रुपये आणि 2,399 रुपयांच्या प्लॅनची किंमत आता 2,879 रुपये असेल. डेटा टॉप-अपच्या किमतीतही वाढ करण्यात आली आहे. आता 6 जीबी डेटासाठी 51 ऐवजी 61 रुपये, 12 जीबीसाठी 101 ऐवजी 121 रुपये आणि 50 जीबीसाठी 251 ऐवजी 301 रुपये मोजावे लागतील.
अजूनही jio स्वस्तच
दर वाढवल्यानंतरही जर आपण Airtel, Vi आणि Jio च्या प्लॅन्सची तुलना केली तर आपल्या लक्षात येईल की Jio चे प्लान्स इतर दोन कंपन्यांच्या तुलनेत स्वस्त आहेत. बहुतेक Airtel आणि Vi प्लॅनचे दर समान आहेत.
न्यूज अनकट प्रतिनिधी: ईश्वर वाघमारे
