भारताने WI चा पहिल्या T20 मध्ये 6 गडी राखून केला पराभव, षटकार मारून अय्यरने जिंकवला सामना

Ind vs Wi 1st T-20, 17 फेब्रुवारी 2022: कोलकात्याच्या ईडन गार्डन्सवर खेळल्या गेलेल्या पहिल्या T20 सामन्यात टीम इंडियाने विजय मिळवला आहे. वेस्ट इंडिजने दिलेले 158 धावांचे लक्ष्य भारतीय संघाने 4 गडी गमावून पूर्ण केले. टीम इंडियाच्या व्यंकटेश अय्यरने षटकार मारून भारताला विजय मिळवून दिला आणि आता तीन सामन्यांच्या टी-20 मालिकेत टीम इंडियाने 1-0 अशी आघाडी घेतली आहे.

पदार्पणातच आश्चर्यकारक कामगिरी करणाऱ्या रवी बिश्नोईला सामनावीराचा पुरस्कार मिळाला. रवी बिश्नोईने चार षटकात 17 धावा दिल्या आणि दोन बळी घेतले.

भारताची सुरुवात चांगली झाली (भारताची धावसंख्या – 18.5 षटके, 162/4)

अवघ्या 158 धावांचा पाठलाग करताना टीम इंडियाची सुरुवात चांगली झाली. कर्णधार रोहित शर्माने वेगवान खेळी खेळली आणि अवघ्या 19 चेंडूत 40 धावा केल्या. रोहितसोबत सलामीला आलेला इशान किशन या सामन्यात थोडा अडचणीत दिसला आणि त्याला 42 चेंडूत 35 धावा करता आल्या. चांगल्या सुरुवातीनंतरही टीम इंडिया मधेच थोडी गडबडली.

टीम इंडियाला पहिला झटका रोहित शर्माच्या रूपाने 64 धावांवर बसला, त्यानंतर इशान किशन 93 धावांवर तर विराट कोहलीही 95 धावांवर बाद झाला. टीम इंडिया विजयाकडे वाटचाल करत असताना ऋषभ पंतनेही आपली विकेट गमावली.

वेस्ट इंडिजसाठी फक्त पूरन धावू शकला (वेस्ट इंडिजचा स्कोअर – 20 ओव्हर्स, 157/7)
भारताच्या कॉल वर वेस्ट इंडिजचा संघ प्रथम फलंदाजीला आला.पहिल्याच षटकात भुवनेश्वर कुमारने टीम इंडियाला यश मिळवून दिले. वेस्ट इंडिजसाठी निकोलस पूरनने शानदार फलंदाजी करत आपल्या डावात 5 षटकार ठोकले. पण निकोल्स व्यतिरिक्त एकही फलंदाज मोठा धमाका करू शकला नाही, शेवटी कर्णधार किरॉन पोलार्डने काही धावा जोडण्याचा प्रयत्न केला आणि 19 चेंडूत 24 धावा केल्या.

रवी बिश्नोईची शानदार सुरुवात

आंतरराष्ट्रीय क्रिकेटमध्ये पदार्पण करणाऱ्या रवी बिश्नोईचा सामना जबरदस्त होता. त्याच्याकडून झेल घेण्यात चूक झाली, पण गोलंदाजी करताना त्याने एकाच षटकात दोन विकेट घेत आपल्या कारकिर्दीची शानदार सुरुवात केली. रवी बिश्नोईने 4 षटकात 17 धावा देत 2 बळी घेतले. त्याच्याशिवाय युझवेंद्र चहल थोडा महागडा ठरला, चहलने 4 षटकात 34 धावा दिल्या आणि एक विकेट घेतली.

न्यूज अनकट प्रतिनिधी: ईश्वर वाघमारे