गोवा, 7 जून 2022: गोव्यातील पणजीमध्ये एका ब्रिटिश वंशाच्या महिलेवर बलात्कार झाल्याची घटना समोर आली आहे. पोलिसांनी एका 32 वर्षीय तरुणाला बलात्काराच्या आरोपाखाली अटक करून तुरुंगात पाठवले आहे. वरिष्ठ पोलीस अधिकाऱ्याने सांगितले की, जोएल व्हिन्सेंट डिसूझा असे आरोपीचे नाव आहे. त्याने 2 जून रोजी ब्रिटिश वंशाच्या महिलेवर बलात्कार केला.
त्यांनी सांगितले की, ब्रिटिश वंशाची महिला 2 जून रोजी उत्तर गोव्यातील अरंबोल बीचजवळील ‘स्वीट लेक’वर विश्रांती घेत होती. त्यानंतर जोएलने महिलेला वासनेची शिकार बनवले. महिलेने पतीसह पोलिसांत तक्रार दाखल केली. ते दोघेही गोव्याला भेट देण्यासाठी भारतात आले असल्याचे त्यांनी सांगितले. 2 जून रोजी महिला समुद्रकिनाऱ्याजवळ झोपली होती. त्यानंतर जोएल तेथे आला आणि त्याने महिलेवर बलात्कार केला. सध्या पोलिसांनी आरोपीला अटक केली आहे. पुढील कार्यवाही सुरू आहे.
12 वर्षीय रशियन मुलीवर बलात्कार
मे महिन्याच्या सुरुवातीला गोवा पोलिसांनी अरंबोल येथील एका रिसॉर्टमध्ये 12 वर्षीय रशियन मुलीवर बलात्कार केल्याप्रकरणी कर्नाटकातील एका व्यक्तीला अटक केली होती. आरोपी त्या रिसॉर्टमध्ये रूम अटेंडंट म्हणून काम करायचा.
पोलिसात मिळालेल्या तक्रारीनुसार, आरोपीने तरुणीवर स्विमिंग पूलमध्ये आणि नंतर खोलीत बलात्कार केला. फिर्यादीनुसार, मुलीची आई तिला स्विमिंग पूलमध्ये सोडून आरंबोलजवळील बाजारातून काही जीवनावश्यक वस्तू आणण्यासाठी गेली असताना ही घटना घडली. घटनेनंतर आरोपी पळून गेले. मात्र तक्रार मिळाल्यानंतर 24 तासांत आरोपीला गदग (कर्नाटक) येथून अटक करण्यात आली.
न्यूज अनकट प्रतिनिधी: ईश्वर वाघमारे