Infinix चा स्वस्त स्मार्टफोन लॉन्च, ५०००mAh बॅटरीसोबत हे फीचर्स, ही आहे किंमत

पुणे, ९ ऑगस्ट २०२२: Infinix ने भारतात आपला बजेट स्मार्टफोन लॉन्च केलाय. कंपनीने याला Infinix Smart 6 HD असं नाव दिलंय. स्मार्ट 6 सिरीज मधील ही कंपनीची लेटेस्ट एन्ट्री आहे. यापूर्वी, कंपनीने या वर्षाच्या सुरुवातीला या सिरीज मध्ये Smart 6 आणि Smart 6 Plus लॉन्च केले आहेत.

Infinix Smart 6 HD हा या सिरीज मधील सर्वात स्वस्त स्मार्टफोन आहे. हा फोन सिंगल स्टोरेज ऑप्शन मध्ये सादर करण्यात आलाय. ज्यांना फीचर फोनवरून अँड्रॉइड फोनवर अपग्रेड करायचंय त्यांच्यासाठी हा एक चांगला पर्याय आहे. त्याची संपूर्ण माहिती येथे दिली जात आहे.

Infinix Smart 6 HDची किंमत

Infinix Smart 6 HD भारतात एकाच स्टोरेज पर्यायामध्ये सादर करण्यात आला आहे. या फोनमध्ये २GB रॅम आणि ३२GB इंटरनल मेमरी आहे. त्याची किंमत ६,७९९ रुपये ठेवण्यात आलीय. हा स्मार्टफोन Aqua Sky, Force Black आणि Origin Blue या तीन रंगांच्या पर्यायांमध्ये येतो. हा स्मार्टफोन १२ ऑगस्टपासून विक्रीसाठी उपलब्ध होणार आहे. त्याची विक्री ई-कॉमर्स साइट फ्लिपकार्टद्वारे केली जाईल.

Infinix Smart 6 HD ची फीचर्स आणि स्पेसिफिकेशन्स

Infinix Smart ६ HD च्या वैशिष्ट्यांबद्दल बोलायचं झालं तर, यात ६.६-इंचाची TFT LCD स्क्रीन आहे. हे स्टॅंडर्ड 60Hz रिफ्रेश दरासह येते. यात वॉटरड्रॉप नॉच आहे. त्याची स्क्रीन HD+ रेझोल्यूशनसह येते.

याचं रिझोल्यूशन १६०० x ७२० पिक्सेल आहे. त्याची पिक ब्राइटनेस ५०० nits पर्यंत आहे. फोनमध्ये क्वाड-कोर MediaTek Helio A22 प्रोसेसर देण्यात आलाय. हा चिपसेट PowerVR GE8320 GPU आणि 2GB RAM सह येतो.

यात ३२GB इंटरनल मेमरी आहे. हे मायक्रोएसडी कार्डच्या मदतीने ५१२GB पर्यंत वाढवता येते. हा स्मार्टफोन Android 11 Go Edition वर चालतो. यामध्ये Android आधारित XOS ७.६ वर देण्यात आला आहे.

फोटोग्राफीबद्दल बोलायचे झाले तर त्याच्या मागील बाजूस सिंगल कॅमेरा सेन्सर देण्यात आलाय. हा सेन्सर ८ मेगापिक्सेलचा आहे. सेल्फी आणि व्हिडिओ कॉलसाठी, यात ५-मेगापिक्सेल फ्रंट कॅमेरा आहे. यात ५W चार्जिंग सपोर्टसह ५०००mAh बॅटरी आहे.

न्यूज अनकट प्रतिनिधी: ईश्वर वाघमारे