भाजीपाला घेऊन जाणाऱ्या टँपोचा अपघात; तीनजण ठार तर वीसजण जखमी

नांदेड, २१ सप्टेंबर २०२२: नांदेड येथे भाजीपाला घेऊन जात असताना मुदखेड-हिमायतनगर रस्त्यावरील राजावाडी गावाजवळ सकाळी दहाच्या सुमारास हा अपघात झाला आहे. आठवडी बाजार असल्याने भाजीपाला विक्रेते मुदखेड वरुन टँपो घेऊन निघाले होते.

या वाहनात कांदा, लसून, अद्रक आणि इतर भाजीपाला घेऊन ते हिमायतनगर येथे जात होते. रस्त्यात राजावाडी गावाजवळ असताना मोठा खड्डा आल्याने त्याला चुकवनाच्या वेळीस हा अपघात झाला. या अपघातात तिघेजण जागीच ठार झाले आहेत. तर वीसहून अधिक जखमी झाले आहेत.

या अपघातात महम्मद हफीज, महम्मद हुसेन, महम्मद चाँद हे तिघेही जागीच ठार झालेत, अशी माहीती पोलिसांनी दिली. तर जखमींना स्थानिक नागरिकांनी मुदखेडच्या शासकीय रुग्णालयात उपचारासाठी दाखल केले आहे. पुढील तपास पोलीस करत आहेत.

न्युज अनकट प्रतिनिधी: अमोल बारवकर