गूगल पिक्सेल ७ सीरीज लॉन्च धमाकेदार फिचर्स

नवी दिल्ली, १२ ऑक्टोंबर २०२२ : गूगल ने भारतात आपली नवीन स्मार्टफोन सिरीज Pixel ७ लॉन्च केली आहे. या सिरीजमध्ये Google Pixel ७ आणि Pixel ७ Pro हे दोन स्मार्टफोन समाविष्ट आहेत. या दोन्ही स्मार्टफोनमध्ये गुगलने नवीन प्रोसेसर दिला आहे. त्यांची विक्री १३ ऑक्टोबरपासून सुरू होत आहे. गुगलचा हा नवा स्मार्टफोन पिक्सेल ७ फ्लिपकार्टवर विक्रीसाठी उपलब्ध असेल. विशेष म्हणजे कंपनीने त्यावर प्री-ऑर्डर ऑफरही जाहीर केली आहे. प्री-ऑर्डर करणारे ग्राहक Fitbit Inspire २ फक्त Rs ४,९९९ मध्ये मिळवू शकतात. दुसरीकडे, Pixel Buds A-सिरीजसाठी तुम्हाला फक्त ५,९९९ रुपये खर्च करावे लागतील. गुगलने या स्मार्टफोन्सच्या किंमती अतिशय आकर्षक ठेवल्या आहेत.

फिचर्स

पिक्सेल ७ प्रो मध्ये ६.७ इंचाच्या डिस्प्लेसह ट्रिपल कॅमेरा देण्यात आला आहे. पिक्सेल ७ प्रो मध्ये अपग्रेडेड टेलीफोटो कॅमेरा देण्यात आला आहे. Pixel ७ आणि पिक्सेल ७ प्रो चा फ्रंट कॅमेरा फेस अनलॉक फिचरसह देण्यात आला आहे. या दोन्ही फोनमध्ये इन-डिस्प्ले फिंगरप्रिंट स्कॅनरही देण्यात आला आहे. कंपनीचा दावा आहे की, पिक्सल ७ वर मशीन लर्निंग ६० टक्के अधिक वेगानं चालते. जर या स्मार्टफोनच्या बॅटरीबाबत बोलायचं झालं तर कंपनीनं अद्याप याबाबत स्पष्ट केलेलं नाही.

ऑटोमेटिक सजेस्ट करणार इमोजी

पिक्सेल ७ वर व्हॉईस असिस्टंट देण्यात आला आहे. तुम्ही एखादं वाक्य टाईप करताच ते आपोआप इमोजी सुचवतील. Pixel ७ ची सर्वात महत्वाची गोष्ट म्हणजे, नवं फिचर एकाच वेळी ऑडिओ मेसेज त्याचवेळी ट्रांसक्रिप्ट करुन देईल. याशिवाय Pixel ७ च्या रेकॉर्डर अॅपमध्ये स्पीकर देखील उपलब्ध असतील.

Google Pixel ७ किंमत

किंमतीबद्दल बोलायचे झाले तर, Google Pixel ७ ची किंमत ५९,९९९ रुपये आहे. हा फोन तुम्ही स्नो, ऑब्सिडियन आणि लेमनग्रास कलर वेरिएंटमध्ये खरेदी करू शकता. दुसरीकडे, Google Pixel ७ Pro साठी तुम्हाला ८४,९९९ रुपये खर्च करावे लागतील.

हा स्मार्टफोन तुम्ही Hazel, Obsidian आणि Snow या रंगांमध्ये खरेदी करू शकता. दोन्ही फोन १३ ऑक्टोबरला विक्रीसाठी उपलब्ध होतील. गुगलनेही या स्मार्टफोन्सवर सूट जाहीर केली आहे. Pixel ७ Pro वर ११,२५० रुपयांची बँक सवलत उपलब्ध आहे. दुसरीकडे, तुम्ही Pixel ७ किंमत ४९,९९९ मध्ये खरेदी करू शकता.

iPhone ची क्रेझ ही जगात भारी आहे, पण आता गूगल ने असा स्मार्टफोन आणला आहे जो आयफोनला टक्कर देणार आहे.

न्यूज अनकट प्रतिनिधी – वैभव शिरकुंडे.