रीवा जिल्ह्यात मंदिराच्या शिखराला धडकून विमानाचा अपघात; पायलटचा मृत्यू

रीवा, ६ जानेवारी २०२३ :मध्य प्रदेशातील रीवा जिल्ह्यात मोठा अपघात झाल्याची माहिती मिळत आहे. मंदिराच्या शिखराला धडकून प्रशिक्षणार्थी विमान क्रॅश झाल्याची घटना घडली आहे. या अपघातामध्ये पायलटचा मृत्यू झाला आहे. तर, इंटर्न जखमी झाला. जखमीला जवळच्या रुग्णालयात दाखल करण्यात आले आहे.

चोरहाटा पोलीस स्टेशन हद्दीतील उमरी गावात हा विमान अपघात झाल्याचे सांगण्यात येत आहे. मिळालेल्या माहितीनुसार, प्रशिक्षणार्थी विमान एका मंदिराच्या शिखरावर आदळले, त्यामुळे हा अपघात झाला. विमानाला मंदिराच्या शिखराला धडकताच आग लागली. या अपघातात वरिष्ठ पायलटचा मृत्यू झाला असून, त्याचबरोबर जखमी इंटर्नवर संजय गांधी रूग्णालयात उपचार सुरू आहेत. अपघाताचे कारण अद्याप समजू शकलेले नाही.

‘न्यूज अनकट’ प्रतिनिधी : प्रज्ञा फाटक.