मुंबई : इंधन व कांद्याच्या दरवाढीनंतर आता दूधाच्या किंमतीही वाढ होणार असल्याने सर्वसामान्यांच्या खिशाला झळ बसणार आहे. राज्यात आजपासून (दि.१६) गायीचे दूध लिटरमागे २ रुपयांनी महागणार आहे. त्यामुळे ग्राहकांना गायीच्या दुधासाठी ४४ ऐवजी ४६ रुपये प्रतिलिटर मोजावे लागणार आहे.
‘अमूल’ने आपल्या दुधाच्या दरामध्ये विविध राज्यात प्रतिलिटर २ रुपयांनी वाढ केली, तर मदर डेअरीने दिल्ली-एनसीआरमध्ये प्रतिलिटर ३ रुपये दरवाढ केली आहे.
मुंबईसह महाराष्ट्र, गुजरात, दिल्ली आणि पश्चिम बंगलामध्ये ही दरवाढ लागू होणार आहे. या दरवाढीमुळे सर्वसामान्यांच्या खिशाला झळ पोहचणार आहे.