रायगडच्या हिरकणी कड्यावर दोन तरुण अडकले; रेस्क्यू टीमकडून त्यांची सुटका.

रायगड, २० फेब्रुवारी २०२४ : काल शिवजयंती निमित्त अख्ख्या महाराष्ट्रात जल्लोष सुरु होता. महाराष्ट्रातील विविध गडांवर अनेक शिवप्रेमी दाखल झाले होते. रायगडावर देखील बरेचसे शिवप्रेमी गेले असता तेथील हिरकणी कड्यावर दोन तरुण अडकले असून ते मदतीसाठी हाक मारत आहे असे त्यांच्या निदर्शनास आले.

हे दोन तरुण त्या हिरकणी कड्यावर अडकले असून रुमालाने इशारा करत आणि आरडाओरड करत सुटका करण्यासाठी ते मदत मागत होते. गडावर पुन्हा परत जाणे अगर खाली उतरणे कठीण असल्याने दगडाचा आधार घेत दोघेही थांबले होते. रोप वे च्या मार्गावरून स्थानिकांनी या तरूणांना पहिल्यानंतर त्यांनी तातडीने रेस्क्यू टीमला बोलावले. रेस्क्यू टीमने तातडीने याची दखल घेत त्या तरुणांना तेथून बाहेर काढले. हे तरुण शिवजंयती साजरा करण्यासाठी तेथे आले असावे असा अंदाज व्यक्त केला जात आहे.

न्यूज अनकट प्रतिनिधी : नितेश लोखंडे