पुणे ११ फेब्रुवारी २०२५ : आजपासून महाराष्ट्र राज्य माध्यमिक आणि उच्च माध्यमिक शिक्षण मंडळाच्या वतीने बारावीच्या परीक्षेला (HSC Exam) सुरुवात झाली आहे. राज्यातील सुमारे 15 लाख विद्यार्थी या परीक्षेला बसले आहेत. परीक्षा केंद्रांवर कडक सुरक्षा व्यवस्था ठेवण्यात आली आहे.
विद्यार्थ्यांचा उत्साह आणि चिंता
सकाळपासूनच परीक्षा केंद्रांवर विद्यार्थ्यांची मोठी गर्दी दिसून आली. काही विद्यार्थी आई-वडिलांचे आशीर्वाद घेऊन, तर काही मित्र-मैत्रिणींच्या शुभेच्छा स्वीकारून परीक्षा केंद्रात दाखल झाले. काहींच्या चेहऱ्यावर टेन्शन होतं, तर काही विद्यार्थी आत्मविश्वासाने परीक्षेला सामोरे गेले.
परीक्षा केंद्रांवर सुरक्षा व्यवस्था
राज्यभरात 5 हजारांहून अधिक परीक्षा केंद्रे तयार करण्यात आली आहेत. परीक्षा सुरळीत पार पडावी यासाठी उच्चस्तरीय सुरक्षा व्यवस्था ठेवण्यात आली आहे. कॉपीमुक्त परीक्षा व्हावी यासाठी विशेष उपाययोजना करण्यात आल्या आहेत. भरारी पथकांची देखील नियुक्ती करण्यात आली आहे.
विद्यार्थ्यांना शुभेच्छा:
विद्यार्थ्यांना परीक्षा काळात कोणतीही अडचण येऊ नये यासाठी शिक्षक आणि पालक प्रयत्नशील आहेत. परीक्षा सुरळीत पार पडावी आणि विद्यार्थ्यांना चांगले यश मिळावे, यासाठी सर्वांच्या शुभेच्छा आहेत.
निकालाची उत्सुकता
आता सर्वांनाच निकालाची उत्सुकता आहे. यंदा निकालाचा टक्का किती लागतो आणि कोणते विद्यार्थी चमकतात, हे पाहणे महत्त्वाचे ठरेल.
बारावीच्या सर्व विद्यार्थ्यांना परीक्षेसाठी खूप खूप शुभेच्छा!
न्यूज अनकट प्रतिनिधी सोनाली तांबे
