गणेशोत्सव २०२५ चा जल्लोष सुरू होतोय, आणि पुणेकरांसाठी पुणे महानगर परिवहन महामंडळ (PMPML) घेऊन आलंय खास भेट! 🎉
गणपती बाप्पाच्या दर्शनासाठी आणि शहरातील भव्य देखावे पाहण्यासाठी येणाऱ्या लाखो भाविकांच्या सोयीसाठी पीएमपीएलने यंदा ७८८ जादा बसेस धाववण्याचा निर्णय घेतला आहे.
जादा बससेवा – दोन टप्प्यात
गणेशोत्सवाची सुरुवात २७ ऑगस्टपासून होत असून, पीएमपीएलने विशेष बससेवेचं नियोजन दोन टप्प्यांत केलं आहे:
- पहिला टप्पा: २९, ३० ऑगस्ट आणि ५ सप्टेंबर
➝ १६८ जादा बसेस उपलब्ध 🚌 - दुसरा टप्पा: ३१ ऑगस्ट ते ४ सप्टेंबर आणि ६ सप्टेंबर
➝ ६२० जादा बसेस धावणार 🚍
यामुळे पुण्यातील प्रमुख मार्गांवर रात्री उशिरापर्यंत सार्वजनिक वाहतूक सुरू राहणार आहे.
प्रमुख मार्गांवर विशेष सोय
स्वारगेट, हडपसर, मनपा भवन, काँग्रेस भवन, डेक्कन जिमखाना आणि पिंपरी मेट्रो स्टेशन अशा महत्वाच्या ठिकाणांवरून जादा बसेस सोडण्यात येणार आहेत.
याचा फायदा:
- कात्रज, निगडी, चिंचवड, हिंजवडी, कोथरूड, तळेगाव ढमढेरे आणि आसपासच्या उपनगरांतील भाविकांना सोयीस्कर प्रवास
- गणेशोत्सवातील भव्य देखावे आणि दर्शनासाठी सहज पोहोचण्याची सुविधा
तिकिट दरात थोडी वाढ
जादा बससेवेच्या तिकिट दरात ₹१० रुपयांची वाढ करण्यात आली आहे. तसेच, मध्यरात्रीनंतर पास चालणार नाहीत.
पुणेकरांसाठी दिलासा!
या विशेष व्यवस्थेमुळे पुणेकरांना आणि भाविकांना गणेशोत्सवातील आकर्षक देखावे व बाप्पाचं दर्शन निर्धास्तपणे घेता येणार आहे. पीएमपीएलच्या या पावलामुळे शहरातील गणेशोत्सवाचा उत्साह आणखी द्विगुणित होणार आहे.
न्यूज अनकट प्रतिनिधी सोनाली तांबे
