मुंबई, 16 जून 2022: मुंबई पोलिसांनी दिंडोशी परिसरात एका कचराकुंडीतून 10 तोळे सोन हस्तगत केलंय. दागिन्यांची ही पिशवी कोरडा पाव असल्याचं समजून भिकाऱ्याने ती कचऱ्यात फेकून दिली. सीसीटीव्हीत कैद झालेली ही सोन्याची पिशवी घेऊन एक उंदीर इकडं तिकडं फिरत होता. सीसीटीव्हीच्या मदतीने पोलिसांनी उंदराकडून कचऱ्याच्या ढिगाऱ्यातून सोन्याने भरलेली दागिन्यांची पिशवी जप्त केली.
यानंतर पोलिसांनी ही बॅग महिलेच्या ताब्यात दिली. त्याची किंमत सुमारे 5 लाख रुपये आहे. वास्तविक, दिंडोशी पोलीस ठाण्याच्या हद्दीतील आरे कॉलनी परिसरात राहणारी सुंदरी नावाची महिला आपल्या मुलीच्या लग्नाचे कर्ज फेडण्यासाठी घरात ठेवलेले 10 तोळे सोन्याचे दागिने गहाण ठेवत असताना ही बाब उघडकीस आली.
वाटेत सुंदरीला एक भिकारी स्त्री आणि तिचे मूल दिसलं. सुंदरीने पिशवीत ठेवलेला काही वडापाव दिला आणि निघून गेली. सुंदरी बँकेत पोहोचली तेव्हा तिने मुलाला दिलेल्या वडापावच्या पिशवीत सोन्याचे दागिने असल्याचे तिला समजले. सुंदरी ताबडतोब बँकेतून निघून त्या ठिकाणी गेली.
तो भिकारी इथे सापडला नाही. यानंतर त्यांनी तत्काळ पोलिसांना याची माहिती दिली. दिंडोशी पोलिसांच्या तपास पथकाचे प्रमुख सूरज राऊत यांनी तातडीने या प्रकरणाचा तपास सुरू केला. अधिकारी सूरज राऊत यांनी घटनास्थळी बसवलेले सीसीटीव्ही फुटेज तपासले असता भिकारी महिला बाहेर जाताना दिसली.
पोलिसांनी महिलेशी संपर्क साधला असता वडापाव कोरडा असल्याने तिने पिशवीसह कचऱ्याच्या ढिगाऱ्यात फेकल्याचे सांगितलं. पोलिसांनी कचऱ्याच्या ढिगाऱ्यात पिशवी शोधण्यास सुरुवात केली मात्र ती तेथे सापडली नाही. पोलिसांनी सीसीटीव्ही फुटेज तपासले असता, पोलिस ज्या कचऱ्याची पिशवी शोधत होते, ती उंदराच्या ताब्यात असल्याचं दिसून आलं.
एक उंदीर त्या पिशवीत शिरला आणि त्यात ठेवलेला वडापाव खात इकडे तिकडे फिरत होता. पोलिसांनी उंदराचा पाठलाग केला, तोपर्यंत उंदीर त्या पिशवीसह जवळच्या नाल्यात शिरला. पोलिसांनी नाल्यात घुसून पाऊच बाहेर काढले, त्यात सोन्याचे दागिने सापडले. पोलिसांनी सुंदरीला बॅग परत केली.
न्यूज अनकट प्रतिनिधी: ईश्वर वाघमारे
