गौरी खानविरुद्ध लखनौमध्ये मालमत्ता खरेदीप्रकरणी गुन्हा दाखल

मुंबई, २ मार्च २०२३ : शाहरुख खानच्या पत्नीविरुद्ध लखनौमध्ये मालमत्ता खरेदीप्रकरणी गुन्हा दाखल करण्यात आला आहे. यामुळे गौरी खान अडचणीत आली आहे. लखनौच्या सुशांत गोल्फ सिटी परिसरात तुलसियानी गोल्फ व्ह्यूमध्ये असलेला फ्लॅट दुसऱ्याला देण्यात आल्याचा आरोप तक्रारकर्त्याने केला आहे.

बॉलिवूड अभिनेता शाहरुख खानची पत्नी गौरी खानविरोधात उत्तर प्रदेशातील लखनौमध्ये एफआयआर दाखल करण्यात आले आहे. गौरीविरुद्ध भारतीय कलम ४०९ अंतर्गत गुन्हा दाखल करण्यात आला आहे. मुंबईतील रहिवासी जसवंत शहा यांनी ही तक्रार दाखल केली आहे. ज्या कंपनीची गौरी ब्रँड ॲम्बेसेडर आहे त्या कंपनीने ८६ लाख रुपये आकारूनही फ्लॅटचा ताबा देण्यात अपयशी ठरल्याचा आरोप मुंबईतील रहिवासी जसवंत शहा यांनी केला आहे.

लखनौच्या सुशांत गोल्फ सिटी परिसरातील तुलसियानी गोल्फ व्ह्यूमध्ये असलेला फ्लॅट दुसऱ्याला देण्यात आल्याचा आरोप तक्रारदाराने केला आहे. गौरीशिवाय तुलसियानी कन्स्ट्रक्शन अँड डेव्हलपमेंट लिमिटेडचे ​​मुख्य व्यवस्थापकीय संचालक अनिल कुमार तुलसियानी आणि संचालक महेश तुलसियानी यांच्या विरोधातही तक्रार दाखल करण्यात आली होती. ब्रँड ॲम्बेसेडर गौरी यांनी फ्लॅट खरेदी करण्यास प्रभावित केल्याचे फिर्यादीत म्हटले आहे.

‘न्यूज अनकट’ प्रतिनिधी : केतकी कालेकर