अंगावर शहारे आले; कांतारा चित्रपटाचं सुपरस्टार रजनीकांत ने केलं कौतुक

पुणे, २७ ऑक्टोबर २०२२ : कन्नड अभिनेता, दिग्दर्शक ऋषभ शेट्टीचा कांतारा चित्रपट रिलीज झाल्यापासून खूप मोठ्या प्रमाणावर चर्चेत आहे. एकापाठोपाठ एक अनेक विक्रम चित्रपटाच्या नावावर जमा होऊ लागले आहेत. त्याचबरोबर अनेक भारतीय मान्यवरांनी सोशल मीडियाद्वारे ऋषभ शेट्टी अभिनीत कांतारा बद्दल आपले विचार मांडले आहेत.

त्याचबरोबर मनोरंजनविश्वातील सर्व मोठी मोठी व्यक्ती या चित्रपटाचं तोंडभरून कौतुक करत आहेत. नुकतंच सुपरस्टार रजनीकांत यांनी देखील या चित्रपटाचं आणि अभिनेता, दिग्दर्शक ऋषभ शेट्टीचं कौतुक केलं आहे. ट्विटरच्या माध्यमातून रजनीकांत यांनी चित्रपटाबद्दल आपल्या भावना व्यक्त केल्या आहेत.

रजनीकांत यांनी कांतारा ला ‘मास्टरपीस’ असं म्हटलं आहे. या चित्रपटाने माझ्या अंगावर अक्षरश: काटा आणला. या चित्रपटाचे लेखक, दिग्दर्शक आणि अभिनेते ऋषभ शेट्टी यांना माझा सलाम. भारतीय सिनेमासृष्टीतील हा एक मास्टरपीस आहे. रजनीकांत यांच्या ट्विटर खूप लोकांनी त्यांच्या भावना व्यक्त केल्या आहेत. कांतारा ची लोकप्रियता एवढी वाढली आहे की याचा दुसरा भाग काढण्याची मागणी होताना दिसत आहे.

काही दिवसांपूर्वी पुष्पा फेम अभिनेता अल्लू अर्जुन, प्रभास, धनुष, अनुष्का शेट्टी या सेलिब्रिटीनी या चित्रपटाचं सोशल मीडियावर पोस्ट शेअर करत कौतुक केलं होतं.

कांतारा हा ३० सप्टेंबरला प्रदर्शित होऊन अजूनही चित्रपटगृहाकडे प्रेक्षकांना खेचून आणणारा हा चित्रपट कन्नड चित्रपटविश्वातील अत्यंत महत्त्वाचा चित्रपट बनला आहे. या चित्रपटांने KGF ला मागे टाकून kgf chapter २ नंतर कन्नड मधील हा दुसरा सर्वाधिक कमाई करणार चित्रपट ठरलाय.

न्यूज अनकट प्रतिनिधी – अंकुश जाधव