राजस्थान, १७ ऑक्टोबर, २०२२ : राजस्थान सरकारने एक अनोखी मोहिम हाती घेतली आहे. यात किन्नर लोकांना स्त्रियांमध्ये किंवा पुरुषांमध्ये बदल करण्याचा राजस्थान सरकारचा मानस आहे. त्यानुसार आता राजस्थान सरकार जे किन्नर ऑप्रेशन करुन घेतील, त्यांना प्रत्येकी अडीच लाख रुपये देण्यात येणार असल्याचं सरकारने जाहीर केलं आहे.
या संपूर्ण प्रक्रियेत किन्नर लोकांमध्ये असणारे हार्मोन्स पहिल्यांदा तपासले जाणार आहे. त्यात जे हार्मोन्स जास्त प्रमाणात असतील, त्यानुसार त्यांना पुरुष किंवा स्त्रियामंध्ये ऑप्रेशन करुन विभागले जाणार आहे. त्यामुळे राजस्थान सरकारच्या लोकसंख्येत वाढ होणार आहे.
ही सर्व ऑप्रेशन सम्मान योजने अंतर्गत करण्यात येणार आहे. त्यामुळे राजस्थानातल्या २० हजारपेक्षा जास्त ट्रान्सजेंडर यांना पुरुष किंवा स्त्रियांचा सन्मान प्राप्त होणार असल्याचं सरकारतर्फे सांगण्यात आलं.
वास्तविक हार्मोन्सचे नियोजित संतुलन न झाल्याने शरीरातील स्त्री आणि पुरुष यांचे वेगळेपण तयार होत नाही. त्यातून किन्नरचा जन्म होतो. आता हार्मोन्सचे संतुलन करुन त्यातून स्त्री पुरुष यांचे वर्गीकरण करण्याचा राजस्थान सरकारचा अनोखा प्रयत्न आहे. तसेच त्यांना पैसे दिल्यामुळे त्यांचा चरीतार्थ नीट चालावा आणि त्यांना समाजात योग्य तो सन्मान मिळावा, हा यामागचा उद्देश आहे, असंही यावेळी सांगण्यात आलं.
त्यामुळे राजस्थान सरकारचा हा अनोखा निर्णय नक्की किती उपयोगी ठरेल, हे वास्तवनंतरच समजेल.
न्यूज अनकट प्रतिनिधी – तृप्ती पारसनीस
