आजचे राशिभविष्य

मेष: शुभ रंग : स्ट्रॉबेरी | अंक : ४ नोकरदारांना त्याच त्याच कामाचा कंटाळा येईल.कितीही राबलात तरी आज वरीष्ठांचे समाधान होणे कठीण.वडीलधाऱ्या माणसांची मने सांभाळावी लागतील.

वृषभ: शुभ रंग : क्रिम | अंक : ३ आज फक्त नाकासमोर चालावे असा दिवस. इतरांच्या भानगडीत न डोकावता आज फक्त आपल्या कामाशी कर्तव्य ठेवा. न झेपणाऱ्या जबाबदाऱ्या झटकून टाका.

मिथुन : शुभ रंग : तांबूस | अंक : १ कार्यक्षेत्रात महत्वाचे करार मदार यशस्वी होतील. व्यवसाय वाढीच्या दृष्टीने योग्य व्यक्ती संपर्कात येतील.विवाह विषयक बोलणी सकारात्ककपणे पार पडतील.

कर्क : शुभ रंग : पांढरा | अंक : ६ दुखणी आंगावर काढू नका. काही जुने आजार दार ठोठावण्याची शक्यता आहे. क्षुल्लक गोष्टीवरून आज मानसिक संतुलन बिघडण्याची शक्यता आहे.

सिंह : शुभ रंग : मरून| अंक : २ आज तुम्हाला आपला एखादा छंद जोपासण्यासाठी वेळ देता येईल. काही रसिक मंडळी तर काम साेडून छंदास प्राधान्य देतील. तरूणांच्या मनात प्रेमांकूर फुलतील.

कन्या : शुभ रंग : पिवळा| अंक : ४ प्रॉपर्टी खरेदी विक्रीच्या कामातील विघ्नं दूर होतील. विद्यार्थी अभ्यास मनावर घेतील. कलाकारांना प्रयत्न वाढवावे लागतील. गर्भवतींनी तब्येतीची काळजी घ्यावी.

तूळ : शुभ रंग : पिस्ता| अंक : १ भावना व कर्तव्य याचा मेळ घालणे कठीण जाईल. महत्वाकांक्षांच्या आहारी जाताना आपल्या मर्यादाही ओळखणे गरजेचे आहे. गृहीणींना माहेरची ओढ लागेल.

वृश्चिक : शुभ रंग : जांभळा| अंक : ५ आर्थिक बाजू भक्कम राहील. योग्य निर्णय व वेळेचे योग्य नियोजन कामी येईल. पूर्वीच्या गुंतवणूकीतून चांगला परतावा मिळेल. वादविवादात सरशी होईल.

धनू : शुभ रंग : राखाडी| अंक : ७ आज तुमच्यावर जोडीदाराचा प्रभाव राहील. आपला मोठेपणा सिध्द करण्यासाठी सढळ हस्ते पैसा खर्च कराल. सायंकाळी एखाद्या चित्रपटाचा आस्वाद घ्याल.

मकर : शुभ रंग : गुलाबी | अंक : ८ आज तुमचा जास्त वेळ घराबाहेरच जाईल. बेरोजगारांना घरापासून लांब कामाच्या संधी येतील. उच्चशिक्षितांना विदेश गमनाच्या संधी खुणावतील. खर्च वाढणार आहे.

कुंभ : शुभ रंग : मोतिया | अंक : ६ व्यवसायात पूर्वीचे नियम बदलावे लागणार आहेत. मागणी तसा पुरवठा करणे गरजेचे आहे. काही मोठया लोकांच्या ओळखी आपल्या स्वर्थासाठी वापरून घ्या.

मीन : शुभ रंग : सोनेरी | अंक : ९ व्यवसायात कामाचे तास वाढवावे लागतील. स्पर्धेत टिकून राहण्यासाठी आपल्या काही तत्वांना मुरड घालावी लागेल. अहंकार टाळून हितसंबंध जपणे गरजेचे आहे.