अटक केलेल्या महिला कॉन्स्टेबलचे ५ वर्षांपासून डीएसपीशी होते संबंध, बनवले तब्बल ५० अश्लील व्हिडिओ

नवी दिल्ली, १४ सप्टेंबर २०२१ : राजस्थान पोलीस सेवेच्या डीएसपीसोबत तिच्या सहा वर्षांच्या मुलासमोर अश्लील व्हिडिओ बनवल्याच्या आरोपावरून एका निलंबित महिला कॉन्स्टेबलला रविवारी पोलिसांच्या विशेष ऑपरेशन ग्रुपने अटक केली. तिला दंडाधिकाऱ्यांसमोर हजर करण्यात आले, तेथून तिला १७ सप्टेंबरपर्यंत पोलीस कोठडी सुनावण्यात आली.

यापूर्वी या प्रकरणात राजस्थान पोलीस सेवेच्या एका अधिकाऱ्यालाही अटक करण्यात आली होती, त्याला १७ सप्टेंबरपर्यंत पोलीस कोठडी सुनावण्यात आली होती. एसओजीचे म्हणणे आहे की महिला हवालदाराला तिच्या काकांच्या निवासस्थानी कलवार भागात ठेवण्यात आले होते. तिला पॉक्सो कायद्याच्या विविध कलमांखाली अटक करण्यात आली असून तिची चौकशी केली जात आहे.

सूत्रांनी सांगितले की, व्हिडीओ क्लिप १० जुलै रोजी कॉन्स्टेबलच्या मोबाइलवरून अजमेर जिल्ह्यातील पुष्कर शहरातील एका आलिशान रिसॉर्टमध्ये काढण्यात आली होती. आरपीएस अधिकारी हिरालाल सैनी अजमेर जिल्ह्यात बेवार सर्कल अधिकारी म्हणून तर महिला कॉन्स्टेबल जयपूरमध्ये तैनात होती.

अधिकारी हिरालाल सैनी ही महिला कॉन्स्टेबलचा वाढदिवस साजरा करण्यासाठी रिसॉर्टमध्ये गेला होता. एसओजीने सांगितले की ते त्यांच्या सहा वर्षांच्या मुलासह रिसॉर्टच्या खोलीला जोडलेल्या एका खाजगी जलतरण तलावात अश्लील कृत्य करत होते.

एसओजीच्या अधिकाऱ्याने सांगितले, “ती महिला एका वेगळ्या फोल्डरमध्ये व्हिडिओ क्लिप सेव्ह करत होती, पण अनवधानाने ती तिच्या व्हॉट्सआप स्टेटसवर पोस्ट केली, जी तिचा पती आणि कुटुंबातील इतर सदस्यांनी पाहिली.”

एसओजीच्या चौकशीदरम्यान, निलंबित डीएसपी सैनी आणि महिला कॉन्स्टेबल यांच्यात सुमारे ५ वर्षांपासून संबंध असल्याचे आढळून आले आहे. या नात्यामुळे महिला कॉन्स्टेबलने आपल्या पतीला सोडले होते.

अनेक अधिकाऱ्यांवरही आरोप

या प्रकरणात अनेक पोलिसांनाही आरोपी करण्यात आले आहे. जयपूर आणि नागौर या दोन पोलीस ठाण्यांचे आणखी दोन आरपीएस अधिकारी आणि एसएचओ यांना कर्तव्यात हलगर्जीपणा केल्याबद्दल निलंबित करण्यात आले आहे.

खरं तर, कॉन्स्टेबलच्या पतीने नागौर पोलीस अधीक्षकांकडे पोक्सो कायद्यांतर्गत दोघांविरोधात एफआयआर नोंदवण्याची तक्रार पाठवली होती आणि ही तक्रार १० ऑगस्ट रोजी चितवा पोलीस स्टेशनच्या एसएचओकडे पाठवण्यात आली होती परंतु त्यांनी नोंदणी केली नाही.

याआधी जुलैच्या शेवटच्या आठवड्यात, महिला कॉन्स्टेबलने जयपूरच्या कलवार पोलीस स्टेशनमध्ये तक्रार केली होती की कोणीतरी तिला फोन करून सांगितले की त्याच्याकडे तिचे अश्लील व्हिडिओ आहेत आणि तिच्याकडून १० लाख रुपयांची मागणी केली आहे.

चितवा आणि कलवार पोलीस स्टेशनचे एसएचओ प्रकाश चंद मीना आणि गुरु दत्त सैनी, कुचमन सर्कल ऑफिसर मोटाराम बेनीवाल आणि झोटवाडा एसीपी हरी शंकर शर्मा यांनाही शुक्रवारी निलंबित करण्यात आले. सूत्रांनी सांगितले की, विविध स्तरांवरील अधिकाऱ्यांना या प्रकरणाची माहिती होती परंतु कोणतीही प्रभावी कारवाई झाली नाही.

न्यूज अनकट प्रतिनिधी : ईश्वर वाघमारे