अजय देवगन-सिद्धार्थ मल्होत्राचा ‘थॅंक गॉड’ चित्रपटाचा दमदार ट्रेलर रिलीज

मुंबई, १० सप्टेंबर २०२२ : बॉलिवूडचा प्रसिद्ध अभिनेता अजय देवगण आणि सिद्धार्थ मल्होत्रा ​​यांच्या ‘थँक गॉड’ चित्रपटाची घोषणा झाल्यापासून लोकांना जाणून घ्यायचे होते की हा प्रोजेक्ट नेमका काय आहे.अजय देवगणच्या  थँक गॉड या चित्रपटाचा ट्रेलर नुकताच प्रदर्शित झाला आहे. अजयसोबतच या चित्रपटामध्ये अभिनेता सिद्धार्थ मल्होत्रा आणि अभिनेत्री रकुल प्रीत सिंह हे कलाकार देखील प्रमुख भूमिका साकारणार आहेत. ट्रेलरमध्ये दिसत आहे की, या चित्रपटामध्ये अजय हा चित्रगुप्त ही भूमिका साकारत आहे. अजय हा सिद्धार्थसोबत ‘गेम ऑफ लाईफ’ खेळणार आहे, असंही ट्रेलरमध्ये दिसत आहे. 

ट्रेलरमध्ये नोरा फतेही दिसत आहे. तिच्या ग्लॅमरस लूकने सर्वांचेच लक्ष वेधले आहे. सिद्धार्थच्या ही भूमिकेची सोशल मीडियावर चांगलीच चर्चा होत आहे. सिद्धार्थ एका सामान्य मुलाची भूमिका साकारत आहे. ज्याच्यासोबत चित्रगुप्त हा गेम ऑफ लाईफ खेळणार आहे. त्याच्यासोबत घडणाऱ्या अनेक वाईट गोष्टी टाळण्यासाठी चित्रगुप्त प्रयत्न करत आहे.

थँक गॉड’चे दिग्दर्शक इंद्र कुमार यांनी हिंदी प्रेक्षकांना ‘मस्ती’ आणि ‘धमाल’ फ्रँचायझीसारखे मजेदार विनोदी चित्रपट दिले आहेत. ‘थँक गॉड’च्या ट्रेलरवरूनही या चित्रपटातून प्रेक्षकांना कॉमेडीचा चांगलाच डोस मिळणार आहे.

ट्रेलरमध्ये सिद्धार्थ मल्होत्राच्या व्यक्तिरेखेपासून कथा सुरू होते, ज्याचा अपघात होतो. अपघातानंतर सिद्धार्थचा आत्मा लोकांच्या कर्माचा हिशेब मांडणाऱ्या चित्रगुप्ताच्या दरबारात पोहोचला आहे. चित्रगुप्ताच्या भूमिकेत अजय देवगण पडद्यावर दमदार अवतारात दिसत आहे. या चित्रपटातील त्याचा लूक काही दिवसांपूर्वी शेअर करण्यात आला होता आणि लोकांना तो खूप आवडला होता.

चित्रपटाचे निर्माते भूषण कुमार, कृष्ण कुमार, अशोक ठाकरे, सुनीर खेतरपाल, दीपक मुकुट, आनंद पंडित आणि मार्कंड अधिकारी असून सहनिर्माते यश शाह आहेत. इंद्र कुमार दिग्दर्शित चित्रपट २५ ऑक्टोबरला प्रेक्षकांच्या भेटीला येणार आहे.

न्यूज अनकट प्रतिनिधी – अंकुश जाधव