अक्षयचा “गुड न्युज” सलमानच्या “दबंग ३” वर भारी

मुंबई : राज मेहता दिग्दर्शित ‘आयव्हीएफ’ या विषयावर आधारित असलेला ‘गुड न्यूज’ हा चित्रपट शुक्रवारी प्रदर्शित झाला. बॉक्स ऑफिसवर दोन दिवसात या चित्रपटाने जोरदार कमाई केली आहे.
तब्बल ३९.३४ कोटी रुपये ‘गुड न्यूज’ने दोन दिवसात कमावले आहे. सलमान खानच्या बहुचर्चित ‘दंबग ३’ या चित्रपटावर ‘गुड न्यूज’ चांगलाच भारी पडला असल्याचे चित्र दिसत आहे. या चित्रपटाला प्रक्षेकांसह विश्लेषकांकडून देखील चांगला प्रतिसाद मिळात आहे.

सलमानचा ‘दबंग ३’ हा चित्रपट २० डिसेंबरला प्रदर्शित झाला आहे. या चित्रपटाने अवघ्या १८ कोटींची कमाई केली आहे. ‘गुड न्यूज’ या चित्रपटात बॉलिवूड खिलाडी अक्षय कुमारसोबत करिना कपूर, दिलजित दोसांज आणि किआरा अडवाणी प्रमुख भूमिकेत आहेत. गुड न्यूज’ या चित्रपटाच्या दोन दिवसांच्या कमाईबद्दल चित्रपट व्यापार विश्लेषक तरण आदर्शनं ट्विट केलं आहे.

याबाबत चित्रपट समीक्षक तरण आदर्शनं दिलेल्या माहितीनुसार, पहिल्या दिवशी ‘गुड न्यूज’ या चित्रपटाने १७.५६ कोटींची कमाई केली होती. तर दुसऱ्या दिवशी २१.७८ कोटींची कमाई केली. आता हा कमाईचा आकडा वाढण्याची शक्यता आहे. या दोन चित्रपटात कमाईबाबत कोण बाजी मारत हे पाहणे महत्वाचे ठरणार आहे.