T20 विश्वचषक अंतिम फेरीसाठी सर्व 16 संघांची नावे निश्चित, झिम्बाब्वे-नेदरलँड पात्र

T20 World Cup 2022, १६ जुलै २०२२: T20 विश्वचषक २०२२ मध्ये सहभागी होणारे सर्व संघ निश्चित झाले आहेत. ऑस्ट्रेलियन भूमीवर होणाऱ्या या स्पर्धेसाठी १४ संघांनी आधीच आपले स्थान निश्चित केले होते. आता नेदरलँड्स आणि झिम्बाब्वे यांनीही क्वालिफायर टूर्नामेंटच्या अंतिम फेरीत पोहोचून २०२२ T-20 वर्ल्ड कपमध्ये आपले स्थान निश्चित केले आहे.

अमेरिका-पापुआ न्यू गिनीच्या आशा गमावल्या

झिम्बाब्वे येथे खेळल्या जात असलेल्या या क्वालिफायर स्पर्धेच्या पहिल्या उपांत्य फेरीत यजमानांनी पापुआ न्यू गिनीचा २७ धावांनी पराभव केला. प्रथम फलंदाजी करताना झिम्बाब्वेने २० षटकांत पाच गडी गमावून १९९ धावा केल्या. प्रत्युत्तरात पापुआ न्यू गिनीचा संघ ८ विकेट्सवर १७२ धावाच करू शकला.

दुसऱ्या उपांत्य फेरीत नेदरलँड्सने युनायटेड स्टेट्स ऑफ अमेरिकाचा (यूएसए) सात गडी राखून पराभव केला. प्रथम फलंदाजी करताना अमेरिकेचा संघ १३८ धावांत आटोपला. प्रत्युत्तरात नेदरलँड्सने एक षटक बाकी असताना लक्ष्य गाठले.

T20 विश्वचषकातील सर्व १६ संघ

सुपर-१२: ऑस्ट्रेलिया, भारत, इंग्लंड, पाकिस्तान, दक्षिण आफ्रिका, बांगलादेश, अफगाणिस्तान आणि न्यूझीलंड.
फेरी-1: वेस्ट इंडिज, श्रीलंका, स्कॉटलंड, नामिबिया, आयर्लंड, संयुक्त अरब अमिराती, झिम्बाब्वे, नेदरलँड.

झिम्बाब्वे-नेदरलँड्स लीग स्टेजमध्ये टॉप

साखळी टप्प्यात झिम्बाब्वेच्या संघाने त्यांचे सर्व तीन सामने जिंकून अ गटात पहिले स्थान मिळवले होते. झिम्बाब्वेने अमेरिकेचा ४६ धावांनी, सिंगापूरचा १११ धावांनी आणि जर्सीचा २३ धावांनी पराभव केला. त्याचवेळी अमेरिकेच्या संघाने दोन विजयांसह क्रमांक-२ वर राहून उपांत्य फेरी गाठली.

तर ब गटात नेदरलँड्सने तिन्ही सामने जिंकून उपांत्य फेरीत प्रवेश केला होता. नेदरलँड्सने पापुआ न्यू गिनीचा ५२ धावांनी, हाँगकाँगचा ७ विकेट्सने आणि युगांडाचा ९७ धावांनी पराभव केला. याशिवाय पापुआ न्यूज गिनीही चांगल्या धावगतीमुळे या गटातून उपांत्य फेरीसाठी पात्र ठरली.

16 ऑक्टोबरपासून स्पर्धा सुरू

T20 विश्वचषक 2022 मध्ये सुपर-12 टप्प्यातून पहिला फेरी-1 सामना होणार आहे. पहिल्या फेरीत एकूण आठ जण सहभागी होत आहेत. या आठ संघांची दोन गटात विभागणी करण्यात येणार आहे. दोन्ही गटातील टॉप-2 संघ सुपर-12 टप्प्यासाठी पात्र ठरतील. T20 विश्वचषक 2022 16 ऑक्टोबर ते 13 नोव्हेंबर दरम्यान होणार आहे. भारताचा पहिला सामना 23 ऑक्टोबरला पाकिस्तानविरुद्ध होणार आहे.

न्यूज अनकट प्रतिनिधी: ईश्वर वाघमारे