नागपूर, ११ ऑगस्ट २०२३ : मागील काही दिवसांपासून आमदार बच्चू कडू हे सरकारवर नाराज असल्याच दिसत आहे. नुकताच त्यांनी अमरावतीत मोर्चा काढला होता. ते सातत्याने सरकार विरोधात भूमिका घेताना दिसून येतायत. मंत्रिमंडळ विस्ताराच्यावेळी दरवेळेस आमदार बच्चू कडू यांच नाव चर्चेत असते. मंत्रिपदाबद्दलची त्यांनी आपली उद्विग्न भूमिका देखील बोलून दाखवली. आता आमदार बच्चू कडू यांनी थेट अमित शाह यांच्यावर टीका केली आहे. कलावती यांच्या मुद्यावरुन बच्चू कडू यांनी राहुल गांधीं यांच्यासह अमित शहा यांच्यावर जोरदार निशाणा साधला.
लोकसभेत अविश्वास प्रस्तावावर बोलताना अमित शाह म्हणाले की,राहुल गांधी कलावतीच्या घरी राहून आले, तिथे भोजन केले. ही चांगली बाब आहे पण त्या कलावतीला घर, वीज कोणी दिली? ती नरेंद्र मोदी सरकारने दिली,यावरून बच्चू कडू यांनी टीका केली आहे.कलावती यांच्या बाबतीत पाहिला मूर्खपणा राहुल गांधींनी केला होता, आता त्यापेक्षाही जास्त मूर्खपणा अमित शहा यांनी केला. अमित शाह लोकसभेत जे काही बोलले, ते सर्व खोटे बोलले. अमित शाह यांनी बोलताना विचारपूर्वक बोलायला पाहिजे होते. अमित शाह यांच्या वक्तव्यामुळे भाजप अडचणीत येत आहे. प्रत्येक गोष्ट भाजप खोट बोलते असा प्रचार झालेला आहे. कलावतीच्या विषयावर अमित शाह यांनी खोटे बोलणे हा चिंतेचा विषय आहे,असे बच्चू कडू यांनी सांगितले.
एका कलावतीला घर बांधून देऊन वीज देऊन राहुल गांधी यांनी देखावा केला, तेव्हा तुमचे सरकार राज्यात केंद्रात, होते त्यावेळी धोरण आखायला पाहिजे होते. एका कलावतीला घर देणे हे चुकीच आहे. कोट्यावधी लोक एका बाजूने घरासाठी रांगेत उभे असताना एका व्यक्तीच्या घरी जाऊन जर राजा उदार होउन बाकी लोकांना भोपळा देत असेल तर त्याला आमचा विरोध आहे, असेही बच्चू कडू म्हणाले.
न्यूज अनकट प्रतिनिधी : अनिल खळदकर
