युक्रेन, २२ जानेवारी २०२१: युक्रेनमधील नर्सिंग होममध्ये लागलेल्या आगीत १५ जणांचा मृत्यू झाला आहे. या घटनेत पाच जण गंभीररित्या जळाले आहेत. जळालेल्या लोकांना उपचारासाठी रुग्णालयात दाखल करण्यात आले आहे. नर्सिंग होममध्ये आग लागल्याची ही घटना युक्रेनच्या खार्किव्ह शहरातील आहे.
गुरुवारी खार्किव्हमधील खासगी रुग्णालयात भीषण आग लागल्याचे बोलले जात आहे. आगीची माहिती मिळताच घटनास्थळी पोहोचलेल्या अग्निशमन दलाने बरीच मेहनत घेत आगीवर नियंत्रण मिळवले. नर्सिंग होमच्या इमारतीत अडकलेल्या लोकांनाही वाचविण्यात आले. सुटका केलेले पाच लोक गंभीररित्या भाजले आहेत. भाजलेल्या लोकांना उपचारासाठी रुग्णालयात दाखल करण्यात आले आहे.
या अपघातात १५ जणांचा जीव गेला. नर्सिंग होमच्या दुमजली इमारतीत आग कशी लागली याचा तपास केला जात आहे. त्याच वेळी, युक्रेनच्या स्थानिक माध्यमांच्या वृत्तानुसार, ज्या नर्सिंग होममध्ये आग लागली होती ती इमारत निवासी होती. या निवासी संकुलात नर्सिंग होम चालविण्यासही परवानगी घेण्यात आली होती की नाही, हे अद्याप स्पष्ट झालेले नाही.
वृत्तसंस्था ‘द इंटरफॅक्स’ च्या म्हणण्यानुसार खार्किव्ह पोलिसांची टीमही आगीची माहिती मिळताच घटनास्थळी पोहोचली. आग विझविल्यानंतर खार्किव्ह पोलिसांच्या पथकाने आगीचा बळी गेलेल्या इमारतीच्या मालकाला प्रश्न विचारले. असे सांगितले जात आहे की, या खासगी नर्सिंग होममध्ये काम करणाऱ्या कर्मचार्यांचीही चौकशी केली गेली. ही आग कशी सुरू झाली याचा शोध घेण्यात येत आहे.
न्यूज अनकट प्रतिनिधी: ईश्वर वाघमारे
