वयाच्या 126 व्या वर्षी पद्मश्री पुरस्कार, जाणून घ्या शिवानंद बाबांच्या जीवनाबद्दल, कसं राहतात तंदुरुस्त

वाराणसी, 27 जानेवारी 2022: काशीच्या शिवानंद बाबांना सरकार पद्मश्री पुरस्कार देणार आहे. वाराणसीच्या कबीरनगर भागात राहणारे बाबा शिवानंद हे 126 वर्षांचे असून ते पूर्णपणे निरोगी आहेत. आधार कार्ड आणि पासपोर्टवर त्यांची जन्मतारीख 8 ऑगस्ट 1896 नोंदवली आहे. या अर्थानं, ते जगातील सर्वात वृद्ध व्यक्ती आहेत. मात्र या विक्रमाची नोंद जपानच्या चितेत्सु वातानाबे यांच्या नावावर गिनीज बुक ऑफ वर्ल्ड रेकॉर्डमध्ये झालीय.

वयाच्या 126 व्या वर्षी पद्मश्री पुरस्कार

शिवानंद बाबा फक्त उकडलेले अन्न खातात. ते रोज पहाटे 3 वाजता उठतात आणि योगा करतात. त्यानंतर दिवसाची सुरुवात पूजाने होते. शिवानंद बाबांनी सांगितलं की ते फळं आणि दूध घेत नाहीत तर फक्त उकडलेलं अन्न खातात. ते कमी मीठ अन्न देखील खातात. यामुळं ते 126 वर्षे जिवंत असून पूर्णपणे निरोगी आहेत.

संतुलित आहार खातात शिवंद बाबा

पद्मश्री पुरस्कार मिळाल्यानं त्यांना खूप आनंद झाला आहे. त्यांनी भारत सरकारचे आभार मानले. शिवानंद बाबा म्हणतात की जीवन सामान्य पद्धतीनं जगलं पाहिजे. शुद्ध व शाकाहारी अन्न खाल्ल्यानं ते पूर्णपणे निरोगी व तंदुरुस्त आहे. त्याचवेळी बाबांचे वैद्य डॉक्टर एसके अग्रवाल यांनी सांगितलं की, बाबा सात्विक अन्न खातात आणि पूर्ण शिस्तीनं जीवन जगतात. त्यांच्या जीवनात योगासनांचं खूप महत्त्व आहे. बाबा जेवणात फक्त रॉक मीठ वापरतात.

वयाच्या 126 व्या वर्षी मिळाला पद्मश्री पुरस्कार

या वयात बाबांचा फिटनेस आणि अवघड योगासनं करण्याचं कौशल्य तेव्हा प्रसिद्धीच्या झोतात आलं जेव्हा बॉलिवूड अभिनेत्री शिल्पा शेट्टीनं ट्विटरवर त्यांचा व्हिडिओ शेअर करून सर्वांना त्यांच्या तब्येतीची माहिती दिली. यातून प्रेरणा घेऊन शिल्पानं योगा करायला सुरुवात केली.

न्यूज अनकट प्रतिनिधी: ईश्वर वाघमारे