Auto Expo Vayve EVA : भारतातील पहिली सोलर कार; फक्त ४५ मिनिटांत चार्ज होईल, २५० किमी धावेल

पुणे, १५ जानेवारी २०२३ : पुण्यातील वायवे मोबिलिटी या ऑटो स्टार्टअप कंपनीने ग्रेटर नोएडा येथे सुरू असलेल्या ऑटो एक्स्पो २०२३ मध्ये प्रोटोटाइप सोलर कार EVA चे प्रदर्शन केले आहे. ही भारतातील पहिली सोलर इलेक्ट्रिक कार आहे जी सूर्यप्रकाशावर धावेल. त्यात दोन प्रौढ आणि एक मूल आरामात प्रवास करू शकतात. ते चालविण्यासाठी खूप कमी खर्च येईल आणि ते पर्यावरणासाठीही चांगले आहे.

वातावरणातील बदल पाहता ही कार लोकांना एक चांगला पर्याय देईल. त्याच्या खास वैशिष्ट्यांबद्दल बोलायचे झाले तर याला Android Auto आणि Apple CarPlay साठी सपोर्ट मिळेल. या कारची खास गोष्ट म्हणजे कारच्या आत बसलेला ड्रायव्हर आरामात बाहेरचे मोठे दृश्य पाहू शकतो. यात ६ वे ॲडजस्टेबल ड्रायव्हर सीट आणि पॅनोरामिक सनरूफ देखील मिळेल.

दोन आसनी स्मार्ट कारच्या छतावर सोलर पॅनल्स देण्यात आले आहेत, जे कारच्या बॅटरी पॅकला स्वतंत्रपणे पॉवर देतात. देशातील पहिल्या सोलर कारमध्ये ६kW लिक्विड कूल पीएमएसएम इलेक्ट्रिक मोटर देण्यात आली आहे. ही मोटर १४ kWh बॅटरी पॅकमधून पॉवर काढते. घरच्या सॉकेटमधून ही कार ४ तासांत चार्ज करता येते. त्याच वेळी, सीसीएस २ वर ही सोलर कार केवळ ४५ मिनिटांत ८० टक्के चार्ज होईल.

ईवा सोलर कार पूर्णपणे मोनोकॉक चेसिसवर तयार करण्यात आली आहे. आगामी सोलार कार आयपी६८ प्रमाणित पॉवरट्रेनसोबत टक्कर देईल. यात ड्रायव्हर एअरबॅगसारखे सेफ्टी फीचर्स देखील मिळतात. EVA सोलर कार एकदा पूर्ण चार्ज केल्यानंतर २५० किलोमीटरचे अंतर कापेल. भारत सरकार कमी कार्बन उत्सर्जन आणि ग्रीन एनर्जी वाहनांना भरपूर प्रोत्साहन देत आहे. अशा प्रसंगी Vavye Mobility ने देशातील सर्वांत मोठ्या ऑटो शोमध्ये ही सोलर कार सादर केली आहे; मात्र प्रोटोटाइप आणि फायनल कार समोर येण्यासाठी थोडा वेळ लागेल. २०२४ मध्ये ही कार लॉंच करण्याचा विचार करीत असल्याचे कंपनीचे म्हणणे आहे.

‘न्यूज अनकट’ प्रतिनिधी : सूरज गायकवाड