‘अवतार २’ सर्वात महागडा चित्रपट ! ऍडव्हान्स बुकिंगमध्येच केली ‘इतकी’ कमाई

मुंबई, १५ डिसेंबर २०२२: जेम्स कॅमरून दिग्दर्शित ‘अवतार’ या चित्रपटाचा दुसरा भाग १६ डिसेंबर रोजी प्रेक्षकांच्या भेटीला येणार आहे. अवतार या चित्रपटाने बॉक्स ऑफिसवर तगडी कमाई केल्यानंतर आता प्रेक्षक ‘अवतार २’ बघण्यासाठी चाहते उत्सुक आहेत. अवतार या चित्रपटाने बॉक्स ऑफिसवर कमाईचे सर्व विक्रम मोडले होते. आता जवळपास १३ वर्षांनी ‘अवतार: द वे ऑफ वॉटर’ प्रदर्शित होतोय.

काही दिवसांपूर्वीच या चित्रपटाचा वर्ल्ड प्रीमियम लंडनमध्ये पार पडला. त्यानंतर माध्यमांसाठी हा चित्रपट दाखवण्यात आला. माध्यमांकडून ‘अवतार: द वे ऑफ वॉटर’ च्या प्रीमियरनंतर सकारात्मक प्रतिक्रिया ऐकायला मिळाल्या. त्यामुळे प्रेक्षकांची उत्सुकता अधिकच वाढली आहे. तर अवतारचा पहिला भाग चित्रपटसृष्टीचा इतिहासातील सर्वाधिक कमाई करणारा होता. या चित्रपटाने २००९ मध्ये जगभरात तब्बल १८ हजार कोटी रुपयांची कमाई केली होती.

https://twitter.com/taran_adarsh/status/1603266845611474944?t=Brlcfs1_Ci_xESxAaSmu3g&s=19

भारतात ‘अवतार २’ हा चित्रपट ३ हजार स्क्रीनवर प्रदर्शित होणार आहे. हा चित्रपट ३५० दशलक्ष डॉलर्समध्ये बनवला असल्याचा अंदाज बांधला जात आहे. हा चित्रपटसृष्टीच्या इतिहासातील सर्वात महागडा चित्रपट ठरतोय. या चित्रपटाचे ऍडव्हान्स बुकिंग चांगलेच वाढत आहे. पीव्हीआर, आयनॉक्स आणि सिनेपोलीसमध्ये तब्बल ५ लाख ४९ हजार ७७४ तिकीटे विकली गेली आहेत. जेम्स कॅमरुनच्या कल्पनेतून उभारलेले एक अनोखे विस्कर विश्व आणि त्यातील व्हिएफएक्स पाहून प्रेक्षक आधीही थक्क झाले होते आणि आत्ताही होतील. या चित्रपटातील पाण्याच्या आतील विश्व प्रेक्षकांना भारावून टाकेल.

न्यूज अनकट प्रतिनिधी: ऋतुजा पंढरपुरे