मुंबई, १७ ऑक्टोबर २०२०: मुंबईतील वांद्रे न्यायालयाने बॉलिवूड अभिनेत्री कंगना रनौतविरोधात एका खटल्यात एफआयआर नोंदविण्याचे आदेश दिले आहेत. मुन्ना वराली आणि कास्टिंग डायरेक्टर साहिल अशरफ सय्यद यांनी वांद्रे कोर्टात याचिका दाखल केली आहे.
दाखल केलेल्या याचिकेवर कोर्टाने दिलेल्या आदेशानुसार कंगना रनौत सतत बॉलिवूडची बदनामी करण्याचा प्रयत्न करीत आहेत. सोशल मीडिया प्लेट फॉर्मपासून टीव्हीपर्यंत सर्वत्र ती बॉलिवूडच्या विरोधात बोलत आहे. ती बॉलिवूडला नेपोटिझम आणि फेवरेटिझम चे केंद्र म्हणून सातत्यानं उल्लेख करत आहे.
याचिकेत असा आरोप केला गेला आहे की कंगनाने बॉलिवूड हिंदू आणि मुस्लिम अभिनेत्यांमध्ये दरी निर्माण केली आहे. ती सतत आक्षेपार्ह ट्वीट करत आहे, ज्यामुळे केवळ धार्मिक भावना दुखावल्या जात नाहीत तर चित्रपटसृष्टीतील बरेच लोक यातून दुखावले गेले आहेत.
वास्तविक या संदर्भात वांद्रे पोलिस स्टेशनने कंगनाच्या विरोधात संज्ञान घेण्यास नकार दिला. ज्यानंतर याचिकाकर्त्याने या प्रकरणातील तपासासाठी कोर्टाकडे संपर्क साधला आहे. कोर्टाने कंगना रनौत यांच्याविरूद्ध एफआयआर नोंदविण्याचे आदेश दिले आहेत.
या प्रकरणातील फिर्यादी कास्टिंग डायरेक्टर साहिल सय्यद यांचे म्हणणे आहे की कंगनाच्या टीकेनंतर सोशल मीडियावर हिंदू आणि मुस्लिमांवर प्रचंड जातीय द्वेष पाहण्यास मिळाला. ते म्हणाले की गेल्या काही महिन्यांत काम करणे फार अवघड झाले होते.
न्यूज अनकट प्रतिनिधी: ईश्वर वाघमारे
