भावाच्या मृत्यूच्या धक्क्यानं मोठ्या भावाचं निधन…..

कोपागंज, १८ डिसेंबर २०२०: गुरुवारी माऊ जिल्ह्यातील कोपागंज ब्लॉकमधील रईसा पिपरौता गावात अशांतता पसरली, जेव्हा धाकट्या भावाच्या अंत्यविधीला उपस्थित असलेल्या मोठ्या भावाला हृदयविकाराचा झटका आला आणि ते पाहताच त्याचा मृत्यू झाला. घरात दोन सख्या भावांच्या मृत्यूंमुळं कुटुंबात खळबळ उडाली.

कोपागंज पोलिस स्टेशन परिसरातील रईसा पिपरुत गावात राहणारा रवींद्रसिंग (वय ५०) हा कुटुंबासमवेत मुंबईत राहत होता. लाॅकडाऊन दरम्यान तो कुटुंबासमवेत घरी आला. मंगळवारी सकाळी त्याला हृदयविकाराचा झटका आला. रविंद्रला उपचारासाठी डॉक्टरकडं नेण्याची व्यवस्था होईपर्यंत त्यांचा मृत्यू झाला होता.

धाकटा भाऊ मेल्याची वार्ता समजताच मोठा भाऊ सुभाष सिंग (वय ६०) बुधवारी मुंबईहून घरी आला. भावाच्या अंत्यसंस्कारात भाग घेण्यासाठी तो दोहरीघाट येथे पोचला. येथे भावाचा मृतदेह पाहून तो धक्का सहन करु शकला नाही.

घाटावर असतानाच त्याला दुःख अनावर होत हृदयाचा झटका आला आणि त्याचा त्यातच मृत्यू झाला. घरात दोन भावांच्या मृत्यूमुळं संपूर्ण गावात शोककळा पसरली. दोन्ही भावांमध्ये एकच मुलगा आहे. या घटनेमुळं कुटुंबीयांची दयनीय अवस्था आहे.

न्यूज अनकट प्रतिनिधी: निखिल जाधव