वॉशिंग्टन, 13 फेब्रुवारी 2022: अमेरिकेच्या सुपर मशीन, ब्लॅक हॉक हेलिकॉप्टरने ऑटोमेशन आणि युद्धाच्या जगात इतिहास रचला आहे. ब्लॅक हॉक हेलिकॉप्टरने प्रथमच पायलटशिवाय यशस्वी उड्डाण केलंय. या हेलिकॉप्टरने 5 फेब्रुवारी रोजी सुमारे 4000 फूट उंचीवर 115 ते 125 मैल प्रतितास वेगानं उड्डाण केलं आणि विज्ञानाच्या जगात एक नवीन अध्याय जोडला.
अमेरिकेतील केंटकी शहरात हे प्रयोग उड्डाण करण्यात आलं. येथे संगणक सिम्युलेशनद्वारे एक आभासी शहर तयार केलं गेलं, जेथे इमारतींव्यतिरिक्त इतर अडथळे होते. हे अडथळे टाळून ब्लॅक हॉकला आपलं उड्डाण यशस्वीपणे पूर्ण करावं लागलं.
उड्डाण दरम्यान, हेलिकॉप्टर देखील तयार केलेल्या काल्पनिक इमारतींमधून पळून जाण्यात यशस्वी झालं. पायलट नसलेल्या ब्लॅक हॉक हेलिकॉप्टरने चाचणीतील सर्व मानकांची पूर्तता केली आणि यशस्वी लँडिंग केलं. संरक्षण क्षेत्रात अमेरिकेच्या या मोठ्या यशामुळं चीन आणि रशियाच्या अडचणी वाढणार हे नक्की. अमेरिकेचे हे ब्लॅक हॉक हेलिकॉप्टर युद्धात निर्णायक भूमिका बजावतात. या हायस्पीड हेलिकॉप्टर्सना रडारच्या साहाय्याने रोखणं फार कठीण आहे.
3 गोष्टींना लक्ष्य करून संशोधन केलं
अलियास नावाच्या अमेरिकन संरक्षण संशोधन कार्यक्रमांतर्गत संगणकावर चालणाऱ्या ब्लॅक हॉक हेलिकॉप्टरची चाचणी घेण्यात आली. इलियासचे प्रोग्राम मॅनेजर स्टुअर्ट यंग यांनी पॉप्युलर सायन्सला सांगितलं की हे संशोधन तीन उद्दिष्टांसह पुढं नेण्यात आलं. पहिला सुरक्षेशी संबंधित होता. दुसरे म्हणजे, अपघात किंवा आपत्तीसदृश परिस्थिती असेल तर त्याचा प्रभाव कमी करणं, तर तिसरे उद्दिष्ट म्हणजे उड्डाणाचा खर्च कमी करणं.
तालिबानकडं 2 ब्लॅक हॉक हेलिकॉप्टर
सध्या अफगाणिस्तानात राज्य करणाऱ्या तालिबानकडं अमेरिकेच्या या अत्याधुनिक ब्लॅक हॉक हेलिकॉप्टरचे 2 सेट आहेत. अफगाणिस्तानच्या भूमीतून बाहेर पडताना बहुतेक हेलिकॉप्टर आणि युद्ध विमानं अमेरिकन सैन्यानं खराब केली होती, जेणेकरून तालिबान कोणत्याही किंमतीत त्यांचा वापर करू शकत नाहीत. मात्र काबूलमधून अमेरिकन सैन्याने माघार घेतल्यानंतर तालिबानने त्याचा तोडगा काढला.
