बुराडी हे खुल्या कारागृहासारखे, बुराडीला जाण्यास शेतकर्‍यांनी दिला नकार

नवी दिल्ली, ३० नोव्हेंबर २०२०: कृषी कायदा २०२० चा निषेध करीत शेतकर्‍यांनी बुराडीला जाण्यास नकार दिला आहे. ते म्हणतात की बुराडी हे खुल्या कारागृहासारखे आहे. भारतीय किसान युनियन (क्रांतिकारी) पंजाबचे प्रदेशाध्यक्ष सुरजितसिंग फूल म्हणाले की, वाटाघाटीसाठी ठेवलेली अट हा शेतकऱ्यांचा अपमान आहे. आम्ही कधीही बुराडीला जाणार नाही. बुराडी हे ओपन पार्क नाही तर ते खुले कारागृह आहे.

ते म्हणाले की आम्ही बुराडीला जाणार नाही असे आम्ही ठरवले आहे. बुराडी हे एक खुले कारागृह आहे याचा पुरावा आम्हाला सापडला आहे. दिल्ली पोलिसांनी उत्तराखंड किसान संघटनेच्या अध्यक्षांना सांगितले होते की, त्यांना जंतर-मंतर येथे नेण्यात येईल परंतु त्यांना बुरारी मैदानात नेण्यात आले आणि तिथे नेऊन बंद करण्यात आलं.

ते म्हणाले, “बुराडी तुरूंगात जाण्याऐवजी आम्ही दिल्लीतील पाच प्रवेशमार्गाभोवती घेराव घालणार आहोत. आमच्याकडे चार महिन्यांचे रेशन आहे त्यामुळे काळजी करण्याची काहीच गरज नाही. आमची ऑपरेशन कमेटी पुढील निर्णय घेईल. ”ते म्हणाले की आम्ही आमच्या व्यासपीठावर कोणत्याही राजकीय पक्षाला जागा देणार नाही. फुल म्हणाले की आम्ही २ महिन्यांपासून आंदोलन करीत आहोत, नेते कॉंग्रेसचे किंवा कोणत्याही पक्षाचे असोत, आम्ही आमच्या व्यासपीठावर कोणालाही प्रवेश देणार नाही.

गृहमंत्री अमित शहा यांनी ३ डिसेंबरपूर्वी शेतकरी संघटनांशी बोलणी करण्याचा प्रस्ताव दिला होता. अमित शहा म्हणाले होते की, “जर शेतकरी संघटनांना भारत सरकारशी चर्चा करायची असेल तर ती ३ डिसेंबरपूर्वी करावी, मी तुम्हाला सर्वांना आश्वासन देतो, जर तुम्ही बुराडी मैदानावर आलात आणि आपण आपली चळवळ कायमस्वरुपी एका जागी स्थलांतरित कराल तर दुसर्‍या दिवशी भारत सरकार आपल्या समस्या व मागण्यांविषयी बोलण्यास तयार आहे.

न्यूज अनकट प्रतिनिधी: ईश्वर वाघमारे